Ndawi 94:16 - Ala Wone Peenok Peebi Mbanak

¹⁶ Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Ndawi 94:16 ပူးပေါင်းရင်းမြစ်များ

2 Endagembogut 10:15

Inoorogo piinok, o time nen wage logonet, aap Erekap aput Yonarap at ka nage me, imbirak lambumbunuk at Yeku nen Yonarap nogo keyage wappunuk, yoge logonet, “An eeri nage yi ndak-ndak, kat eeppagarak mbarulik kwe, Op aret, eerit nage nombake ilik, lek a?” Yoge mbareegi, at Yonarap nen, “Op aret mbake agarik o.” Yoge mbareegi, aap Yeku nen, “Ti kenok, keenggi nippi mok.” Yoreegerak eenggi nippege mbareegi, at Yeku nen eenggi yabonogo nggweendo paga kwippi lagangge nagagerik,

2 Endagembogut 9:32

Yoge mbareegi, at Yeku nogo pugagi mbanak me nggwe ena ni'nage nagagerik, oone nggwok paga ari logonet, “Kit aap an ninom ariyak taani o. Time ambi wonogwe ilik?” Yorage mbareegi, it aap endagembogut ame yabu eeko menggaarak inooli wogo ineebe mbere ilik, kenagan a, ina wukka wogo mbareegwa,

Nekemiya 5:7

Nanini nen it yogwe nogo niniki koonit nage nagagirik, it aap inengga warak ninoweewi inom, it o unde inom eeko menggaarak inom, yorage logonet, “Kit kinoreewi aret kwe, wu luulu wogorogo monggotak nogo, Oba lunogo inom wo'niraanip o, yorogwe ti, nonggop nduk, yorogo ogotik?” Yorage nagagirik, it eekwi ti, kooninabuwok nduk, aakumi inoweewi ti, apit aret kuwak eeri woroorak yoragagirak kuwak ari wogo mbareegwa,

Ndawi 118:6

At Aliku ALA nimbirak wonage me, aakumi nen an eeppaniyak mbakwi iinok, An nagabiti mbarigin lek o.

Ndawi 17:13

Togop me, Kaliku ALA wae. Kat pilak yu o. Pilak ari logomenggendik, Kinom perenggolage logonet tebenogo piige, Kat keegin tiyak ari logonet, Aap maluk eeka ineenggime nen an ndinnake, Eeru o.

Ndawi 59:2

It maluk eeka ineenggime nen ndinogo panege, It aap inamiya nengga nen nookwi iyo nili ari, Eeru o.

Yetaya 59:16

Aliku ALA nen aap ambi a'me nggelok eeke kin kaga'lek wonage, At ambi nen it yeenggwaaroorak at kaga'lek wonage, Eekwi iige nagagerik, “Iya!” mbareegerak. “Iya,” mbake nagagerik, at lombok eenggi omaawi paga inagap ndake, A'me nggelok eeppiige logonet, yeenggwaarage, Eerikit nduk, eereegerak.

Yetaya 63:5

Yeenggwa niriyak ambi wonogwe iyo, nenegen yamboninakirak kwe, lek aret iige, Yeenggwa niriyak lek iinok, Ai, mbake, Eeke nagarik, Nanini ninikime lik ari, Nanini kani kunik negen mi'nage, Eeke kagak, Nalik neenggi omaawi paga nen tebenogo piige logonet, It aakumi anggur anggen kwak niyok aambiranogo piige, Anggur amburu nenok kumili kunggo mengga kwak, nanini kaawak nduk eeppiige logonet, inamiya nggween paga kilirogo pit nage, Eekirak o,” yinuk, yo'negerak o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Yetikiyen 22:30

An nen o ti lek eerogo pege neyo, yugum yagat obaane'me pak wurogo pege, ndi, wurik eno mbanak me ti paga nen inoori unggwage neyo, o ti ake eno mbanak me arum wake, eeruwak nduk, aap ambi kwaareegirak mendek, eebe lek aret kagagirak o.

Linggineegwaarak 10:35

Ndi, Ala aloobut mbanak nogo piyaninuk woraawak nduk eekwi iigak, at Muta nen, “Kaliku nogoba ALA wae. It aap kinom wim mbanak menggendak nogo ma'nogwe, It ineebi kombako menggaarak nogo mbaganggwi, Eeruwak nduk, Kat komaawi tiyak yu o,” yinuk, yoge,

Matiyut 12:30

An ninom lambunik wonogwe lek iinok ti, ninom ogoorak aret wonogwe o. Ndi, an ninom kuwak eekulik nogo nen it ninom kuwak eeke minggirak nogo mappiigo menggaarak aret o.

3 Yaya 1:8

It aap Ala ndogop menggerak wone nogo nggwok wiganit nage logowak nduk, eerit nogwe nogo nen, “Ninom ndak-ndak yoranet nogwe o,” yinuk, ninombaruwak nduk, yeenggwaarogo logorak ti op aret o.

Owak Loongga 5:23

It kota Merot menggaarak nogo nen it aap wakaa'ngget inom wim eekwi iinok, Aliku ALA yeenggwaariyak woroolik me, Aliku ALA ayonggo malayikat nogo nen o kota Merot pulunogo pege, It o time wonogwe nogo pulunogo piige, Eeruwak, yegerak o.