Ndawi 94:11 - Ala Wone Peenok Peebi Mbanak

¹¹ At Aliku ALA nen Aakumi eeriyak koonggwi nogo eenu age, It koonggwi ti, we aanom warogo aret koonggwi iige, Eeke menggerak o.

Ndawi 94:11 ပူးပေါင်းရင်းမြစ်များ

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

1 Korindut 1:19

At Ala nen ari logonet, “It aap iniki warak nen iniki warak logonet, agan nugwi nogo, an nen lek eerogo pege, Ndi, it aap ineenu nen ineenu logonet, yorogwe nogo, kobak aganaburak nduk, eerogo piige, Eerigin o,” yinuk, yereegerak liiru mbanak wonage me,

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 1:25

Aakumi nen wone aaninggin ambik me, iniki mondok kwippunuk togon kooniyak mbakwi nogo ti, Ala nen kooniyak teeluk aret kage, ndi, aakumi nen, “Aaninggin ambik me, nit apit ninomaawi paga eeriyak op,” mbakwi nogo ti, at Ala nen eeriyak teeluk aret mbake, eeke menggerak.

1 Korindut 3:20

ndi, at ambi nen ari logonet, “It aakumi abok nineenu mbakak koonggwi nogo, Ala nen we aanom warogo aret koonggwi iige menggerak o,” yinuk, ari, yereegwaarak liiru mbanak wonage me,