Ndawi 93:5 - Ala Wone Peenok Peebi Mbanak

⁵ Kaliku ALA wae. Eeko logorak kawone yugu ti, mondok nu'lek wonage, Kawi wurik ti, abu abe alik leenak wonage, Eerak kagak, O ambik me ari nage logogin o.

Ndawi 93:5 ပူးပေါင်းရင်းမြစ်များ

2 Mbinineegwaarak 29:5

yorage logonet, “Kit Lewi mendek yi, an wone yokkirage me, kinaruk logonip o. Kit kinalitak lombok kinoba mbeenogo pakwi, kinombomini inogoba Aliku Ala awi wurik o magame maluk aago wonage nogo koorogo wumbunuk, leenogo pugwi, eeko logonip o.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:129

Aberak logorak koone yugu ti, iya lombok me, Ninikime woppunuk eerit nage minggirak o.

Ndawi 119:138

Aberak logorak koone yugu ti, Eekaatak a'me nggelok eeppiigwi, Niniki ti paga panggombunuk eerit nugwi, Eeko logorak op aret o.

Ndawi 119:144

Aberak logorak koone yugu nogo ti, Wone abe abu koonak wonage me, Neenik logonet eerit nage logokit nduk, Neenu eeppanege logot o.

Ndawi 29:2

Aliku ALA endage abu iya me, tiyappugwi, At kikak nakeelik alik leenak mondok iya lombok menggerak me, Ayuk wuko logonet alut eekwi, Eeko logonip o.

Ndawi 99:5

Togop me, Aliku ninogoba Ala tiyappugwi, At kikak nakeelik alik leenak menggerak me, At wone lengganinake menggim tebe yinuk alut eekwi, Eeko logonip o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Wundeegwaarak 28:36

Ti'nuk, mbuti emas at mendek paga meeli tabak negen ogobakkigirogo punuk, nogo paga wone, Aliku ALA Ake Leenak, eerogo cap negen ayo waganogo pogo logomenggaarik,

Yetaya 52:11

Wundi woraanip o. Wundi woraanip o. O time nen wundi woraanip o. Maluk mendek ambi kineenggime lek wundi wogwe, Aliku ALA awi wurik me yi mendek ndi mendek eekak wonok wogwe nogo Kinoba mbeenogo patinuk wonok wundi wogwe, Eeko logonip o.

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Yetikiyen 43:12

Ala awi wurik me eeko logorak wone yugu nogo yi aret. O puut kirin enaagan-ambokan abok aret ti, alik leenak abu mage lombok menggim aret o. Ala awi wurik me wone eeko logorak nogo ti aret o,” yinuk, an yo'nege kagagirak.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Ala Unde 19:2

“It aakumi Iterali wonogwe abok aret wone yoroorak nogo yi aret. Naliku inogoba Ala kikak nakeelik abu obeelom leenak minggirak me, it togop aret kikak naka'lek obeelom leenak mban aret logowak o.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Yaya 4:24

Ala ti, aakumi inigen kogolik mendek me, it aap at alut eeriyak mbakwi nogo iniki paga nen abet mba'nuk, at alut eeko logowak o.”

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Wayu 21:27

Ndi, it maluk inikime porogo wonogwe, maluk peyak wurik kagak ugun eerit nugwi, pilit pugunggwi, eeko menggaarak nogo kenok perak, unggwi nogwe iyoolik o. Ata, it aakumi ineenik mondok-mondok aganaburak inendage mbuku paga liiru mbanak Ndomba Aagaluk porogo wonage kenok mban unggwi nogwe iigirak o.