Ndawi 93:2 - Ala Wone Peenok Peebi Mbanak

² At wone lengganogo yorage menggim nogo O maan aa'nduk nen mondok wonagagerak. At eebe kunduk, itok mondok menggerak aret o.

Ndawi 93:2 ပူးပေါင်းရင်းမြစ်များ

Ndawi 145:13

Kat kabu'me piige menggenom ti, o maan nen lek ageelik mondok aret wonage, Wone lengganogo yorage menggendak ti, lek arigin lek At ambi oba agak eerit wundi wage, Eeke logogin o. Kaliku ALA nen wone koonogo yoraga'ndak Abok aret liirogon eeppiinet nage, Kat eeke menggendak abok aret Aakumi inabuwa mba'nuk eeppiinet nage, Eeke menggendak o.

Ndawi 45:6

Nogoba Ala wae. Koone lengganogo yorage menggenom ti, Mondok-mondok aret logogin o. It kabu'me menggaarak inawone mondok koonak mban mbangge menggendak ti, Mbim obate mbanak ti kwak aret me, Kat in wakkagak agan nogo logogun o.

Ndawi 55:20

At nimbirak kunik wonagagirak nogo nen oreewi nit aret ninooke, Inom wone abuk nggaruk togon koonogo pereegerak nogo Aret lalenogo pege,

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndaniyen 4:34

Ndi, “Tahun ndogop logorak,” yugu nogo abu aret ari wage mbareegi, an Nebukanetat nena mbogut paga ni'nage neegak, niniki nambokan agagerak nogo nenaame ari wage mbareegi, at Tiyanak Lombok Menggerak nogo alut eeke, at eenik mondok menggerak nogo ayuk wuke, endage tiyappege, eereegirak o. At wone lengganogo yorage menggim omaawi menggerak ti, lek arigin lek mondok omaawi aret wonage, Aakumi nda'narit wundi wogwe iigak, at abu'me piinok menggim nogo mondok wonage, Eerak logogin o.

Ndaniyen 7:9

Kage nagarik, ambi awo kage me, Kwi'ndak wone lengganogo yorage logorak koonogo pit nanuk, At Anggok Ageelik Itok Menggerak nogo eyo ti paga kwi'nage kagarak. Ayum ti, ndugu-ndugu negen lan ari wonage, At eeruwak ti, towe yanggwi eeruwak negen wonage, Kwi'na'nuk wone lengganogo yorage menggim ti, kani wuninik negen wonage, Ndi, kwi'ndak menggerak iyok ti, kani wunuk ari negen wonage, Eerak kagarak.

Mika 5:2

Togop aret eerigin me, kwe aagaluk nda'narigin yugu nogo aret nda'nage, Ndi, at oreewi Iterali ando mbo piya nogogwaarak wonogwe nogo, iniyokan Iterali inom lambuni wogwe, Eeriyak eyom awo aga'lek kagak it Iterali mbo piyamenggerak logogun o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 2:8

“Ndi, at malayikat Ala apuri o Timirina kuwak eekwi inarum menggerak nogo nen apuri yoraawak nduk, yoriyak, yokkiri o. An kangge nagagirik, neenik a'nuk mi'nagagirak aa'nduk togon wonagagirak me, peebi irip paga mondok logogin nogo nen