Ndawi 92:7 - Ala Wone Peenok Peebi Mbanak

⁷ Iri'ngga awi mbilangge menggi kwak, Aap maluk mendek nogo togop aret awi mbilanit nugwi, It maluk eeko menggaarak abok nen Maluk wone mban wiganit nugwi, Eeko menggaarak kwe, Ineebe lek eerogo piyamenggerak mondok aret logogin o.

Ndawi 92:7 ပူးပေါင်းရင်းမြစ်များ

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ndawi 37:38

It aap maluk eeko menggaarak nogo perak, Ineebe lek eerogo piyaagin aret me, It aap maluk mendek ti, inapuri wigannarugun lek Inenggaawak lek aret logogun o.

Ndawi 73:12

It aap maluk eeka ti, togop aret logonet, Inamendek ambinom mban kuwak eerogo pako nagaatik, Inale'nggen mbakak wonogo menggaarak o.

Ndawi 73:22

Aap wi iniki apit mengga kwak liippega'lek wonage, Kenggaanom paga wam inobaabut mengga kwak wonage, Eekirak o.

Ndawi 94:4

Iniki wogoppako logonet, “Nit mban iya o,” yinuk, agan nugwi, It maluk eeka ti, “Nit eekwi mban iya,” yogwe,

Kini Wuppiige 1:32

It aap iniki yuundurak nogo nen tu abe mbo punuk nomo agan nogwe paga it aret ineebe wakkologwe, Ndi, aap iniki wi nen eeriyak kagak eeka'lek paga it ineebe aret lek eerogo pakwi, Eeko menggaarak kwe,

Yetaya 37:27

It o time menggaarak nogo ti, Yi mendek ndi mendek yabume yarak kwak, Awi yarak mili lombok mbilangge menggi kwak, Oo'ngget maarak paga iri'ngga laganggetak anggen yega'lek kagak teebat arit nage menggi kwak, Togop aret wonogwe me, inomanggen tayok ari logonet, Iniki ma'nage, inenggali ogwe, Eekaarak o.

Maleyaki 3:15

It aap maluk eeko menggaarak ti, ineenggi warak ogwe, it aap nen, Ala maluk eeppanege kaamun ilik? yinuk, maluk eekwi kwe, ineebe op mban wonogwe, eekwi iigwi me, o yogondak nen it aap iniki wogoppakwi ti, inale'nggen mbako menggaarak yogo logogun, yogwe ti paga niniki andi negen eerogo panugo agaarik o,” yinuk, yegerak me, yokkiragi o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.