Ndawi 92:4 - Ala Wone Peenok Peebi Mbanak

⁴ Kaliku ALA wae. Eerit nage menggendak paga niniki ale'nggen mbake, Keenggi paga nen eeke menggendak paga Nale'nggen nen ndawi lubuk ari, Eeke agarik o.

Ndawi 92:4 ပူးပေါင်းရင်းမြစ်များ

Ndawi 104:31

O nggween yi, kenegen wukka wage keenok, nuk-nuk ari, Puut-puut keenggi mbaanggage keenok, ka'luk wundit wage, Eeke menggerak me, Kaliku ALA kendage tiyanak mondok-mondok wonage, Kat nen yi mendek ndi mendek Ogobakkigirogo pereegindak paga ale'nggen mbake, Eeke logot o.

Ndawi 104:34

Kaliku ALA nen eeppanege paga nale'nggen mbake logonet, niniki koonit nage nogo, Kat kinikilom nombariyak, “Ao,” mbake kwe,

Ndawi 126:3

Ti yogo nogogwaarak ti, Abet aret Aliku ALA nen mondok iya lombok eeppinaneegerak kenok, Ninale'nggen mban yogo ogoorik.

Ndawi 143:5

An togop ee'nake kenok, Aa'nduk lombok eerit wagagindak nogo abeke, Eeke menggendak abok aret niniki koonit nage, Keenggi omaawi paga eereegindak nogo liippege, Eeke agarik o.

Ndawi 33:2

Wako logonet, nggitat paga Aliku ALA tiyappugwi, Aruk konenuwak nduk, nggitat agale 10 aago paga eekwi iigak ndawi wakwi,

Ndawi 64:10

Togop eeko logogun kwe, It aap iniki obeelom nogo nen Aliku ALA eeke menggerak paga inale'nggen mbakwi, Ineebe op logowok nduk, abu'me kwi'nari unggwogwe, It aap iniki koonak abok aret Ala endage tiyappugwi, Eeko logowak o.

Ndawi 8:6

Kat yi mendek ndi mendek keenggi paga ogobakkigirogo pereegindak nogo Nit aakumi unde logowok nduk pege, Ndi, kambin-ndomba inom, lembu-tapi inom, Ndiimbu-nggwiya karume nugu menggaarak inom, Towe wiga agan nugu menggaarak inom, Yikwe yi nggwok laut inikime menggaarak inom, Yi nggwok laut nage menggim inikime wonogwe inom, Yi mendek ndi mendek abok aret Nit aakumi ninabu'me logowak nduk piige, Eereegindak o.

Ndawi 90:16

Kat eeke menggendak nogo Kayeloman mini nineenu aruwok nduk, kin eerogo pege, Kendage abu tiyanak, “Wi!” kugwi nogo Ninapurilogwe kunduk inigen keyaawak nduk eeppiige, Eeru o.

Yeremiya 31:7

Aliku ALA nen yegerak nogo yi aret. “At Yakup eeppuurak paga it iniki ale'nggen nen ndawi wakwi, Yi aakumi ndi aakumi inenggela'me iya lombok ti, Iterali aret me, inale'nggen nen kuum-keek yogwe, Inoone nggwok paga yogwe, Iterali inendage tiyappugwi, eeko logonet, Kaliku ALA wae. Kapuri Iterali eegu yumbunik nogo inagap ndaru o, yinuk, yo'nogo logowak o.

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Yaya 16:22

Ti ndak-ndak, kit yogondak kiniki puru aago wonogwe kwe, peebi an ninom lambunggwi paga perak, kiniki ale'nggen age kaamunggup o. Kinale'nggen kamonggotak nogo aakumi nen lek eerogo pinagarak mondok lek o, yinuk, abet aret yokkiragi o.

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.