Ndawi 92:14 - Ala Wone Peenok Peebi Mbanak

¹⁴ Aap inanggok ari nogwe iigak, Eyo anggen yege menggi kwak, anggen abe yugwi, Eyo mbuk aga'lek ki menggi kwak, it togop aret wonogwe, Eeko logonet,

Ndawi 92:14 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 1:3

Eyo niyo eneeri me yarak logonet, anggen yege eyom paga anggen yege, Engga mbuk ageelik ki wonage, Eeke menggi kwak, Aap ti, eeriyak mbake nogo A'me nggelok mban arit nage logogin o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 46:4

An nen aret kinarum wonage neegak, aakelo ari nogwe, Kineeruwak kenen wungge, Eerigin o. Kit kinanebunu warak eerogo pinagareegirak me, Ndegenggiren nage, yeenggwa kiranet nage, kinagap ndake, Eeke logogin o.

Yeremiya 17:8

Eyo niyo aa'nggi paga yarak omanggen niyo ambet paga yari unggwegetak me, O kibi paga mo andi nen, Nagaro mbuk arigin kagi, mbakeelik agaro mondok ki logonet, engga mili kwit agan lagangge, O kibi wungge paga ayo wake mono-mono wangge menggim ari wage kenok, Nanggen yigin lek kagi, Yinuk, mbakeelik anggen mondok-mondok yege logogin, mbake, Eeke menggi kwak, At aap ti togop aret logogin o,” yinuk, yegerak o.

Yetikiyen 47:12

Niyo aa'nggi yi pagan, ene pagan, yi eyo ndi eyo inete alitak lombok anggen abe yege menggerak mendek logogin me, engga mbuk arigin lek ki aret wonage, ndi, anggen yugu lek aga'lek yugu mban wonage, eeke logogin o. Niyo Ala awi wurik me nen wundi wage logonet, wogoge logogin me, tut ambi penenggak eeke paga anggen yegak mban eeke logogin o. Anggen yemenggerak ti paga it aakumi inambi-mbiingga negen age, ndi, engga ti paga aakumi obeelom eeppiiga iinggen aret age, eeke logogin o,” yinuk, yo'nege kagagirak.

Matiyut 3:10

Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o.

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,