Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ndawi 92:12 - Ala Wone Peenok Peebi Mbanak

12 Eyo nggabu engga mili lagangge menggi kwak, Eyo nggabina Libanon mendek mili kwit agan lagangge menggi kwak, It aap iniki abe koonak nogo togop aret logogun o.

အခန်းကိုကြည့်ပါ။ ကော်ပီ




Ndawi 92:12
17 ပူးပေါင်းရင်းမြစ်များ  

Ndi, eyo-kale eeke menggerak inom, iri'ngga-kale'ngga mbuulogwe-mbaalogwe wungge menggerak inom, abok aret eenu me, eyo kole nggabina puut Libanon paga wonage nogo kuli nen nugwa wumokot yugum paga lenggenak abok aret inawone mbiningge, wam inom, towe-pagi inom, yi mendek ndi mendek inaanogum paga nugu menggaarak inom, yi yikwe ndi yikwe inom, abok aret inawone mbiningge, eeke nagagerak me,


Ogobakkigirogo piinok, o wurik ko irip me akem ogoorak inom, ko endekem oolo ogoorak inom, abok aret yendok-wandok kerub inom, eyo nggabu inom, iri'ngga anggen laambu inom, inogut wakkagak ayo waganogo pit nage,


It Yakuri mendek nen it aakumi ineebi inombakwi nogo, iniki nen eeppiyoorak mbareegwaarak nogo eeppiinet nogo logonet, wooluwak paga inoorit nogwe, ineebe lek eerogo piigwi, eerit nogogwaarak.


Eyo niyo eneeri me yarak logonet, anggen yege eyom paga anggen yege, Engga mbuk ageelik ki wonage, Eeke menggi kwak, Aap ti, eeriyak mbake nogo A'me nggelok mban arit nage logogin o.


Kaliku ALA kageyo nggabina o Libanon mendek Yareegindak nogo liirogon unde wonage paga Abe kwit agan lagangge,


Puut tiyanak inom, puut teberogon inom, Eyo anggen yi'nage menggerak inom, Eyo nggabina abok inom,


At Aliku ALA tokkogwe, “Tu yi paga nawak,” mbake nogo mugurok nogwe, Eeko logonip o. Ti eekwi kiinok, o yi, yate negen Unde eekkolaabagip nduk tiyappinagage, Kit kinigen kiigak, it aap maluk eeka nogo lek eerogo piige, Eerigin o.


Togop yugun kwe, an perak, Eyo tayitun mili kwit agan lagangge menggi kwak Ala awi wurik me logonet, togop aret agarik o. Ala iniki kunik ee'nabit wundi wage menggerak nogo paga Niniki mondok-mondok panggonak aret logogin o.


At wone lengganogo yorage kagak, It aap iniki abe koonak nogo wiganit wundi wogwe, Tut lek aga'lek wonage kagak Mbi ndonggok togon nunggo logonet, Iniki ugun tayenak wonogwe, Eeko logogun o.


Iri'ngga awi mbilangge menggi kwak, Aap maluk mendek nogo togop aret awi mbilanit nugwi, It maluk eeko menggaarak abok nen Maluk wone mban wiganit nugwi, Eeko menggaarak kwe, Ineebe lek eerogo piyamenggerak mondok aret logogin o.


Eyo alok mendek obaane'me eyo nggabina lagangge, Eyo nggonggoondu obaane'me eyo kilu lagangge, Eerigin o. Ti eerogo piyaagin nogo ti, Naliku ALA ineenu agak, lek ariyak lek mondok-mondok aberak logowak nduk eerogo piyaagin,” yegerak me, yokkiragi o.


Eyo niyo aa'nggi paga yarak omanggen niyo ambet paga yari unggwegetak me, O kibi paga mo andi nen, Nagaro mbuk arigin kagi, mbakeelik agaro mondok ki logonet, engga mili kwit agan lagangge, O kibi wungge paga ayo wake mono-mono wangge menggim ari wage kenok, Nanggen yigin lek kagi, Yinuk, mbakeelik anggen mondok-mondok yege logogin, mbake, Eeke menggi kwak, At aap ti togop aret logogin o,” yinuk, yegerak o.


Eyo nggabina nggorek menggi kwak, Eyo teno omaawi ambik menggi kwak, It aakumi Amori mendek togop aret wonogwe iigak kwe, An naa'nduk nage logonet, ineebe lek eerogo piige, Eyo anggen ira'nggu'me yugu inom, omanggen wurabak inom, lek eerogo pege, Eereegirak o.


“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.


O kobappaga nggwok lombok wiganogo pereegerak kokwak, Niyo aa'nggi paga yabu yarak abu obeelom menggi kwak, Eyo ni Aliku ALA nen yareegerak kokwak, Eyo nggabina niyo aa'nggi paga yarak menggi kwak, Kawooliya wurik ti, abu obeelom menggerak o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ