Ndawi 91:4 - Ala Wone Peenok Peebi Mbanak

⁴ Towe a'naabit abu'na aagalogwe tebembiinok menggi kwak At eenggi paga nobakkake, Keebe op logonok nduk, at abu'me pagage, At yokkiremenggerak ndak-ndak li'luk eeppagage, Eeke ti, at aret me, Kanggeemu kwak, karin kwak at aret o.

Ndawi 91:4 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 17:8

Kenegen awuluk kwak eerogo paninuk narum logot o. Ndi, it maluk eeka nen nooriyak eekwi, Nawim nen nenggaawak lek eerogo paniyak nduk an wangge'nakwi, Eekwi nogo nen pi'nakwi iyo, Ka'naabit abu'me kumaappaninuk logot o.

Ndawi 35:2

Kat kanggeemu kolage, karin yikkolage, Eeppunuk, Pilak ari logomenggendik, An yeenggwa niri mok o.

Ndawi 57:1

Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Ndawi 61:4

Ala wae. An eeke logorak Wone kumbuk mbaneegirak nogo karuk konengge, It aap kendage yogwe iinok, kayuk wuko menggaarak nen Keyate wogorage menggendak nogo an ninom wo'nege, Eekendak me, An kat kawooliyana mondok-mondok wonage, Towe a'naabit abu'na tebenak mengga kwak, An kabu'me tebenak wonage, Eerikit lak, “Ao” , mbake agarik o.

Matiyut 23:37

Wone ambinom yorage logonet, “Kat kota Yerutalem ao! Kota Yerutalem ao! Kat nen it Ala yorage kagak yokkiraga nogo inooke, it aap Ala nen yonggo nappiya wage kenok, yugum paga toguurit-tagaarit eerogo inooke, eeke menggendak me, ao. An ta, towe ayam iyagalo nen oo'nuwe a'naabit abu'me tebembiirogo menggi kwak, kaagalogwe kuwak eeppiyaakit lak ao, mbakitak kwe, Neebi, ari menggendak nogo o.

Marakut 13:31

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Pelaareegerak 32:11

Towe nggindooni awina nen aagalogwe wigak togon wumbiinok, Inagalo inirimbaga wiganinuk nege, Inabu'me wanduk yinuk, a'naabit wiganogo punuk, At paga kwippiige, eenggabit paga nggereniren nage, Eeke menggi kwak,

Urut 2:12

at Aliku ALA nen eekendak nogo onggo wokkege, ndi, towe aagalogwe kanggwi iyo, a'naabit abu'me tebembiinok menggi kwak, at Aliku Iterali inogoba Ala abu'me ari wagandak wonage me, onggo nggwok lombok kalo logonogo wokkege, eerigin o.”