Ndawi 91:2 - Ala Wone Peenok Peebi Mbanak

² An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Ndawi 91:2 ပူးပေါင်းရင်းမြစ်များ

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Ndawi 14:6

Kit maluk eerit nogo monggotak yi, It aap ineenggi lek tebenak mendek nogo Inaru non mbanogo piigo monggotak kwe, Ineebe op logowak nduk, Aliku ALA nen it piirogo menggerak.

Ndawi 142:5

Togop me, Kaliku ALA wae. An noone nggwok paga yokkege logonet, “Neebe op logorak noba'naka ti, kat keebe aret o. Ineenik wonogo menggam o yime neegak, Keyate wo'niru kwak kat keebe aret o,” yinuk, ari minggirak o.

Ndawi 142:6

An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 18:3

Nawim nen nookwi iyo, “Yeenggwa niru o,” Yinuk, noone omaawi paga Aliku ALA yoge neenok, Nagap ndarogo panege menggerak me, At endage tiyanak aret logowak o.

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 31:15

An ee'naburak koonak nogo ti, Kat keenggime wonage agaarik o. Nawim ineenggime nen ndinnake, It mu'neren wogwe nogo mugogo nappiige, Eeru o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 46:2

Togop aret me, Nggween alom na'ndo-wa'ndo eeke, Puut-puut langgu-langgu yi nggwok yenggenak laut inikime wangge, Yi nggwok laut kilaarak-mogonik eeke logonet, Aa'nggolagak eerogo nippit wage, oone pu ari, Eeke paga Puut-puut abok aret ndipuk agan nage, Eeremenggerak kwe, Nit perak, ninagabiti mbarugun lek o.

Ndawi 48:14

Puut yi paga menggerak Ala nogo ti, Mondok-mondok ninogoba Ala aret me, At nen ndegenninabit wundi wage tit kagak, Kambi noorak kuli aret ari woraagin o.

Ndawi 71:3

Neebe op logokit nduk unggwi nagak nayugum mulunik kwak kat aret me, nobarogo panege, Nayugum lunik kwak, nayugum pak wurogo pereegi kwak, Kat aret me, nagap ndaruwak nduk, Wone lengganogo wumbege, Eeru o.

Ndawi 91:9

An neebe op logorak ti, “Aliku ALA aret o,” yinuk, ari, Ndi, an logorak nogo ti, At Tiyanak Lombok Menggerak abu'me aret wonage mbake, Eeke keenok,

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Lukat 20:38

At Ala nen it aakumi kambeegwaarak kwe abok ineenik wonogwe iige menggerak me, at ti, it aakumi kambunuk lek agaatak inogoba Ala lek o. Ata, ineenik menggaarak inogoba Ala aret o,” yinuk, yoragagerak.

Iberani 11:16

It iniki nen, “Nit ninawi abe mbogut paga kola nawok lak ao,” yinuk, miippunuk, kambit nogo mbareegwa, Ala nen it iniki mbareegwaarak nogo ndak-ndak inawi abe kota negen pipuk eerogo piyareegerak wonage me, “Ninogoba Ala o, yinuk, yo'nogo logorak op aret,” mbake menggerak.