Ndawi 90:8 - Ala Wone Peenok Peebi Mbanak

⁸ Nit maluk eekwi nogo kenegen niige, Ninomaluk nobarak wonage nogo, kabinak paga kin eeppege, Eeke menggendak o.

Ndawi 90:8 ပူးပေါင်းရင်းမြစ်များ

Ayup 10:14

An maluk eeke neyo kenegen wo'neren nege, Ndi, eeke neenok teppanege lek eekirak onggo ndak-ndak eeppanege, Eeke menggendak me,

Ayup 34:21

Aakumi eerit nugwi nogo Ala enegen wogoren nege, Yiru-ndiru nugwi nogo, at enegen liippiige, Eeke menggerak me,

Ndawi 109:15

Inomaluk ti, Aliku ALA nen Mondok-mondok aberak wonage, Ndi, o nggween paga yime it imbirak ti, inoba aberak logokwak lek eerogo piige, Eeruwak o.

Ndawi 19:12

Aap ta nen at tu abe kagak nomoninuk nage nogo eenu mbakop? An liippega'lek we ugun aret eerit nage nogo, Maluk neegendak kenok, nomaluk ti mbo nappege,

Ndawi 50:21

Kit ti eerit nugwi kiigak, An onggo eeppinagaga'lek puk aret wonage neegak, At ninom ndak-ndak aret, nombako monggotak kwe, Eerit nogwe nogo paga an nen mbekkirage, Yi aret eekotak o, yinuk, lok togon yokkirage, Eerigin o.

Ndawi 80:16

Eyo yareegindak nogo muurogo punuk kani kunggwi, Kenete aagi eeppunuk mberiragagindak paga It kat kapuri inenggaawak lek eerogo piigwi, Eekwi me,

Kini Wuppiige 5:21

Aap eerit nugwi abok aret Aliku ALA enegen iige, Yi tu ndi tu nugwi nogo abok aret enegen wogoren nege, Eeke menggerak o.

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.

Yeremiya 2:22

Wun yanengga paga punuk ineebe paga nggunggologwe, Tapon paga ngguu'mo wakak mban eekwi, Eekwi kwe, Maluk inoba lenggenak itok aret wonage iige agarik o,” yinuk, Aliku Itok Menggerak ALA nen yegerak me, yokkiragi o.

Yeremiya 23:24

Aap ambi nenegen kage neyo, o ambime kumaa'nari ungguurak mbakop? Meek aret o,” yinuk, Aliku ALA nen yegerak o. Aliku ALA nen ari logonet, “An mbogut paga nggween paga neebe mondok ndak warak minggirak nogo lek a?” yinuk, yegerak o.

Yetikiyen 8:12

Kage mbareegi, at nen an yo'nege logonet, “Aakumi nen ndarak yi wae. It aap Iterali mendek inoweewi inagugi ogut eerak menggim lombok o apit aago kagak eekwi nogo kenegen iigen ilik? It nen yogo logonet, At Aliku ALA enegen niiga'lek wonage, Aliku ALA nen ninanggween yi, abu mbo pegerak wonage, eekerak o, yogwe ti, iyet o.”

Ala Unde 4:23

iniki nen, Ti maluk aret eekirak kagi, mba'nuk, eenu age logomenggerik, omaluk lek eerogo puwak nduk, kambin ngguunok awinde-obaande eerak lek amuni mbanak ambi wonok

Ala Unde 4:28

iniki nen, Ti maluk aret eekirak kagi, eenu age logomenggerik, omaluk eeremenggerak nogo lek eerogo puwak nduk, kambin kooli awinde-obaande eerak lek amuni mbanak kenok mban wonok

Oroma 2:16

An wone obeelom wone yorage minggirak ndak-ndak at Ala nen it aakumi inikime kote koonggwi nogo Yetut Keritut nen owak looninaburak nduk mippereegerak nogo owak looninake eyom paga, “Ti obeelom eekirak kagi, ti maluk eekirak kagi,” yinuk, inikime nen abe'nage kaagun o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Wayu 20:12

Lek age mbaki, it aap inendage lek inendage warak kambeegwaarak inom, it niyo nen ndonggoninabeegerak niyo yenggenak laut inikime wonogwe inom, kambit nogogwaarak kambunuk nogo menggam wonogwe nogo inom, abok aret, wone lengganogo yorage menggim eyo nggwok ogobakkigirik yanggwi lombok lan ari nogo paga aap ambi kwi'ndak wonage nogo, owagam mi'nari wogo mbaka, at eyo ndoonak paga kwi'ndak wonage nogo nen it inalitik-inalitak eeko nogogwaarak inom, aakumi mondok-mondok ineenik aganaburak inendage inom, mbuku alitak paga mbanak wonage me, imbirak waganogo piingge nagaarik, it kangga'lek ineenik logonet eeko nogogwaarak liiru mbanak nogo pekkagak inowak loonogo onggo ndak-ndak eeppiige kagarak.