Ndawi 90:2 - Ala Wone Peenok Peebi Mbanak

² Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndawi 90:2 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Ayup 15:7

Aakumi nda'naga'lek iigak Kat kaa'nduk lombok nda'nagagindak ya? Yi puut ndi puut awo ogobakkigika'lek kagak, Kat kaa'nduk kin agagindak ya?

Ayup 36:26

At Ala ti, mondok iya tiyanak lombok wonage me, At nonggoti liippubok age, At ndarak kagak tahun mande eekerak nineenu age, Eeriyak meek aret o.

Ndawi 102:13

O kota Tiyon obeelom eeppuurak eyom panggoni wage, At eeppuurak koonak nogo abu panggo yi wage, Eekerak me, Kat pilak ari logomenggendik, O Tiyon abuwa mbake logomunggun o.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 93:2

At wone lengganogo yorage menggim nogo O maan aa'nduk nen mondok wonagagerak. At eebe kunduk, itok mondok menggerak aret o.

Wundeegwaarak 8:6

Yoreegerak nogo at Karun yoge mbareegi, Karun nogo owaanggun paga yi niyo ndi niyo o Metit wonage nogo titik ige mbareegi, ogolem apit aret nugut tiyak agan lagit wogo logonet, o Metit time nggween enete lek a'nuk ogolem mban nugut tiyak yereegwaarak.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Ndaniyen 7:9

Kage nagarik, ambi awo kage me, Kwi'ndak wone lengganogo yorage logorak koonogo pit nanuk, At Anggok Ageelik Itok Menggerak nogo eyo ti paga kwi'nage kagarak. Ayum ti, ndugu-ndugu negen lan ari wonage, At eeruwak ti, towe yanggwi eeruwak negen wonage, Kwi'na'nuk wone lengganogo yorage menggim ti, kani wuninik negen wonage, Ndi, kwi'ndak menggerak iyok ti, kani wunuk ari negen wonage, Eerak kagarak.

Mika 5:2

Togop aret eerigin me, kwe aagaluk nda'narigin yugu nogo aret nda'nage, Ndi, at oreewi Iterali ando mbo piya nogogwaarak wonogwe nogo, iniyokan Iterali inom lambuni wogwe, Eeriyak eyom awo aga'lek kagak it Iterali mbo piyamenggerak logogun o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.