Ndawi 90:17 - Ala Wone Peenok Peebi Mbanak

¹⁷ Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Ndawi 90:17 ပူးပေါင်းရင်းမြစ်များ

Ayup 22:28

Eeriyak koonogo pemenggendak nogo, ndak-ndak aret ari nage, Kat nage keegak karu eya eerogo pagage, Eeke logogin o.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 118:25

Kaliku ALA wae. Ninagap ndake, Kaliku ALA wae. Eeriyak mbakendak nogo a'me lik yuwak nduk eeke, Eeru o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 50:2

Puut Tiyon abu kigirikwe lombok paga nen Ala abinak pindanogo nappit wage, Eeke agaarik o.

Ndawi 68:28

Ala wae. Komaawi keyaawok nduk, kawuri wiirage, Ala wae. Kat kawuri kinom eerit nogogutak nogo ndak-ndak eekwi kiyaawok nduk, kin eeppiya wage, Eeru o.

Ndawi 80:3

Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 80:7

Komaawi Lombok Menggendak Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Kini Wuppiige 16:3

Kit eeriyak koonggwi nogo abok aret Aliku ALA wogo'nuk wonogwe kiinok, Kit koonggwi nogo abok aret a'me aret age kaamunggup o.

Yetaya 26:12

Kaliku ALA wae. Nit eerit wogo nogogurak nogo abok aret kat nen eeppinanege keegak eerit wogo nogogurak me, Niniki ugun tayenak logowok nduk, eerogo pinanege agandik o.

1 Korindut 3:7

Togop me, at awi yake inom, niyo kilike inom, ti iya lek o. Ata, at awi yarak mbilanuwak nduk eeke menggerak Ala ti perak, mondok iya o.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”