Ndawi 90:14 - Ala Wone Peenok Peebi Mbanak

¹⁴ Nit nda'nogogum eyom ari naga'lek kagak Niniki ale'nggen yogwe, ndawi lubuk yogwe, Eeko logowok nduk, Ninabuwa nen kiniki kunik ee'ninake nogo paga ko'lu-kii'me kubondendok ndonggok togon eeppinanegak mban eeke logot o.

Ndawi 90:14 ပူးပေါင်းရင်းမြစ်များ

Ndawi 143:8

Ata, an kat koba panggonak minggirak me, Aakumi inabuwa nen kiniki kunik mban eeginake nogo, Ko'lu kubondendok an togop ee'nabi wage keyane! Niniki kat paga lunik wonage me, An eerit noorak tu titik nege,

Ndawi 149:2

At ogobakkigirogo piyareegerak kenok, It Iterali nen inale'nggen mbakwi, It inowe endagembogut kenok, It Tiyon mendek inale'nggen nen keekok yogwe, Eeko logowak o.

Ndawi 23:6

Obeelom eeppanit nage, Nabuwa nen kiniki kunik ee'nabit nage, Abet aret eeke keegak, Kambi noorak kuli aret ari nagin o. Ndi, Kaliku ALA wonage menggenom nogome An mondok-mondok aret ye mbambatinuk logogin o.

Ndawi 31:7

Kat nen andi-pandi eerogo panugwi nogo neege, Ee'nakwi paga yagan wake nogo liippanege, Eekendak me, An niniki ale'nggen mbake, Kiniki kunik ee'nake kenok, Nale'nggen nen ndawi wake, Eerigin o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi 86:4

Nogoba o. Yeenggwa nirenok nduk, Niniki kat paga lunik wonage me, Kayeloman an niniki ale'nggen kaakit nduk eeppanege,

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.