Ndawi 90:12 - Ala Wone Peenok Peebi Mbanak

¹² Niniki warak eekkolaawok nen nda'nogogurak nogo Nineenggi liirogon lingginiyak nduk mamunnirage logot o.

Ndawi 90:12 ပူးပေါင်းရင်းမြစ်များ

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ndawi 39:4

“Kaliku ALA wae. An kambuurak age yoboni wage nogo yo'nege, Nda'nagagirak neegak, ne mande ari nage nogo yo'nege, An mondok mendek lek luulu wonage nogo abe'nake, Eeke logot o.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Kini Wuppiige 16:16

Mbuti perak waganggwi ti, op negen kwe, yi wone ndi wone alom ineenu ariyak ti perak, iya o. Mbuti emas waganggwi ti, op negen kwe, iniki warak ariyak ti, iya lombok o!

Kini Wuppiige 22:17

It aap iniki warak nen wone yogo menggaarak nogo kat kinikime porogo wonage, Wone ti abok aret yuurak kambe paga lunik wonage, eeke keenok, kale'nggen eekkake logogin me, Wone ti liippege, it wone yogwe nogo karuk konengge, ndi, an wone mamunggege yi, “Mamunggola,” mbake, eeke logot o.

Kini Wuppiige 23:12

Wone mamunggakwi nogo ti, liirogon wagangge, Ndi, yi wone ndi wone ineenu nen yokkugwi ti, karuk liirogon konengge, Eeke logot o.

Kini Wuppiige 23:23

Wone pilit lek abet yogwe nogo kunggolage logomenggendik, aap ambi inoba kuniyak mage o. Iniki warak ariyak wone inom, inaruk wariyak wone inom, ineenu ariyak wone inom, mugurok nage logot o.

Kini Wuppiige 4:5

Kiniki warak lombok mamunggolage, Yi wone ndi wone alom keenu eekkolage, Eeke logot o. An wone yokkege yi, mari eerogo pege, Mbo punuk nomo agan nage,

Kini Wuppiige 4:7

Iniki warak eekkologo logorak nogo ti, iya lombok aa'nduk eeriyak mendek aret me, mbet-mbet aret kolage, Yi wone ndi wone alom keenu ariyak nduk, eekko'net nage logonet, kawu abok aret tigippatemenggendak kwe kagak wagangge, Eeke logot o.

Wone Alom Kibingga 7:2

Nit abok aret nineenik logonuk kambuurak koonak me, Laago lako menggam oome noorak ti iya negen kwe, tabun ndoombunuk wonogwe me noorak ti perak, abu iya me, Nit nineenik wonogwe nogo wone yi, liippogo logowok o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.