Ndawi 90:10 - Ala Wone Peenok Peebi Mbanak

¹⁰ Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Ndawi 90:10 ပူးပေါင်းရင်းမြစ်များ

Wakkagagerak 47:9

Yoge mbareegi, at Yakup nen, “An nombomini nugu logonet, ndarak iigak tahun abu iya negen eeko nogogwaarak kwe, an perak, aap nggiru pogom anggon-panggon kagak we yaluk-ndaluk nege minggirak me, ndarak neegak we tahun seratus tiga puluh aret agaarak o.”

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

2 Tamuwen 19:35

An nda'nagagirak neegak, tahun 80 aret agaarak me, an nen, Yi obeelom, yi maluk, yinuk, liippege, an kayeloman nen mbi inom, niyo inom, nengge logonet, Yi ombat abe kagi, yi ombat maluk kagi, yinuk, liippege, ndi, ndawi yi, aap nen wakwi iigi, yi kumi nen wakwi iigi, yinuk, liippiige, eeriyak nobam lek aret agaarak me, kat nowe kendagembogut nimbirak nage kenok, aaninggin abunuk koba ariyak me, an kayeloman nonggop yo'negen o?

2 Tamuwen 19:36

An eeppagareegirak nogo onggo, Ndogop eeppikit, nombake ti mage o. Ata, an kayeloman nen kat nowe kendagembogut wokkeren niyo Yoraran enebagan iluk taati pagi wundanuk, niyokan woraakit nduk, E, yo'niru o.

1 Endagembogut 1:1

Aap endagembogut Ndawut nogo ndarak kagak tahun ambik aret eeppunuk, abu anggok ari nage nagagerik, togwi agabolo paga age mbareegi, nogo yum tabak lenggembegaatak kwe, togwi agabolo paga ninggirik mban wonage mbareegi,

Ayup 14:10

Aakumi inomaawi lek a'nuk kanggwi, Iniki worok togon kanggwi, Eekwi iinok perak, Inenggaawak lek aret ogo menggaarak o.

Ayup 20:8

Inabi kagaatak lek age menggi kwak, Ineebe togop aret ineenggi-iniyok lek, lek ogwe, Oonikiya inabinggaanggo kagaatak lek age kwak, It togop aret lek ogwe, Eekwi iinok,

Ayup 24:24

We yogondak iluk aret inendage warak wonagaatik lek ogwe, Gandum anggen mbanogo pegaatak mbuk age menggi kwak, Inendage warak nogo lek ogwe iinok, it kunduk inagabolo nggween taambiya nogwe, Eeko menggaarak.

Ayup 5:7

Eekeelik kwe, Kani kunik tubuk togon lagangge menggi kwak, Aakumi inalik nen aaninggin-paaninggin inoba pako menggaarak o.

Yetaya 38:12

Aap ndomba ndegeninaka awooliya minogo ambime pi nogo mengga kwak, Nawooliya wurik minogo punuk, awiirogo panege, Kwe yum yega nen ambime nage logonet, yum yege nogo perenogo punuk wungge, Yum yega'lek obate paga munogo mbo pege, eeke menggi kwak, an nda'nagagirak nogo togop aret eerogo panege, Liingge nen nok oonikiya kuli at Aliku ALA nen neenik nggobok yi nawak nduk, mbo tek agago panege, Eeke agaarik o.

Ala Unde 27:7

Kumi-aap inanggok ndarak iigak tahun 60 ilik, tahun ambik eerak a, aap kenok, mbuti wu perak 15 pugwi, kumi kenok 10 pugwi, eeko logowak o.

Lukat 12:20

Yereegerak kwe, at Ala nen, at aap nogo yoge logonet, Kat aap wi yi, wae! Yogondak oonikiya yi paga aret kat kiniki an wa wage me, kat pipuk eerogo pakendak nogo peebi ta nen unde logogin mbaken o?

Pelaareegerak 34:7

At Muta nogo ndarak kagak tahun seratus dua puluh aret eereegerak kwe, omaawi lek age, enegen ogut age, eeka'lek aret kagak kambeegerak.

Yakobut 4:14

Kit ko'lu eekkinaburak nogo, kineenggo'lek logonet yogwe kiigi o. Nineenik wonogwe nogo ti, laago aagi pogom aret o. Laago aagi nogo ti, ne ambit lagangge ninigen kogootak kwe, lek age menggerak kokwak ti, nineebe togop aret ee'ninake menggerak o.

Yotuwa 14:11

Togop aret kwe, ne yogondak yi paga nomaawi lek aga'lek o maan Muta nen nappani wagagerak eyom paga nomaawi wonagagirak nogo ndak-ndak wim eeri wundikit nduk, nomaawi aret agarik o.