Ndawi 9:11 - Ala Wone Peenok Peebi Mbanak

^11-12 Togop me, kit aakumi yi wae. Aap inamiya wunabeegwaarak inamee'nggo wagangga Aliku ALA aret me, at nen aberinake, It tebenak wonogwe nogo nen, “Yeenggwa niret o,” yinuk, yogwe iinok, “Inobaalombok o,” yinuk, mbo piiga'lek aruk konengge, Eeke menggerak me, Aliku ALA wone lengganogo yorage menggim o Tiyon wonage nogo, Alut eeko logonet ndawi wakwi, Eerit nage menggerak nogo, yi aakumi ndi aakumi inenggela'me yoranet nogwe, Eeko logonip o.

Ndawi 9:11 ပူးပေါင်းရင်းမြစ်များ

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 118:17

An kangga'lek neenik logonet, Aliku ALA eerit nagaarak nogo Mbininogo yoranet nage logogin o.

Ndawi 66:2

At endage abu tiyanak me, ndawi paga anep pugwi, Endage tiyappit nogo logonet, alut eekwi, Ee'nip o.

Ndawi 66:5

At Ala eerit nagagerak nogo liippi wogwe, Aakumi inenggela'me inagabiti warak mendek eeppiyareegerak nogo maloppugwi, Ee'nip o.

Ndawi 76:2

At awooliya wurik ti, kota Talem wonage, Ndi, at wonage menggim ti, puut Tiyon wonage, Eeke menggerak o.

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Ndawi 96:10

Kit yi aakumi ndi aakumi inenggela'me logonet, “Aliku ALA ti, ninowe endagembogut aret o,” Yinuk, yogo logonip o. At o nggween yi abok aret Nu'lek eerogo pereegerak me, abolok yigin lek o. Aakumi inanebunu lombok eeremenggaarak nogo, At a'me nggelok inowak loongge logogin o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yaya 17:26

Kat kabok nogo it aap yi, yorage nagarak me, kat an kiniki kunik ee'nake menggendak nogo kwak, it togop aret niniki-kiniki kunik eekwi, an it iniki me wonage, eeko logowok nduk, kat kabok ambinom paganogo yorage logogin o,” yinuk, yoreegerak.

Iberani 12:22

Kit yogondak puut alik Tiyon abu'me at eenik menggerak Ala nogo agota Yerutalem mbogut paga nogome aret ka nogogutak negen aret wonogwe o. It yi malayikat ndi malayikat nineenggi lingginiyak meek mondok iya lombok kuwak eerak logonet, inale'nggen paga eekwi ineebe inom,

Wayu 14:1

Yo'nege kage nagarik, wonage me, it aap ineebe apit seratus empat puluh empat ribu nogo Ndomba Aagaluk endage inom, at ogoba endage inom, inalitak lombok inenggaawak paga liiru mbanak Ndomba Aagaluk nogo inom puut Tiyon nogo paga mi'ndak wonogwe nenegen nagiigirak.