Ndawi 89:16 - Ala Wone Peenok Peebi Mbanak

¹⁶ Inale'nggen nen kanep tenok-mbenok yogwe iigak, Kubondendok nen nok oonikiya ari nage, Kat abe koonak mban eeke menggendak nogo, Mbininggwi iigak iniki eya ogwe, Eeko menggaarak o.

Ndawi 89:16 ပူးပေါင်းရင်းမြစ်များ

Ndawi 105:3

At endage abu abe alik leenak me wogoppugwi, Kit Aliku ALA mugurok nogwe ti, kinale'nggen mbakwi, Eeko logonip o.

Ndawi 29:5

Aliku ALA oone paga eyo nggabina yigirogo wurake, Eyo nggabina Libanon mendek kalenogo nappit nage, Eeke menggerak o.

Ndawi 29:7

O yabok kilanogo nappit nage menggi kwak, Aliku ALA oone togop aret eerogo nappit nage,

Ndawi 33:21

Ndi, at endage abu abe alik leenak wonage me, Nit at oba panggombunuk ninale'nggen aret mbakwi, Eeko ogoorik o.

Ndawi 40:10

Kat obeelom mban eeke menggendak nogo Ninikime kumaappatinuk wonage, Aakumi kiniki kunik aganake menggendak inom, Wone abe aakumi eeppiyoorak wone inom, Kapuri nggwok kuwak eerak konenggwi iyo, patogo wonage, Eekeelik o. Ata, kat li'lak eeke menggendak wone inom, Inagap ndake menggendak wone inom, Yorage minggirak o.

Ndawi 44:8

Kat Ala eeke paga Kubondendok nen nok oonikiya ari nage kagak, Nit wogoppagagwi, kendage mondok-mondok alut eekwi, Eeko logogun o.

Ndawi 89:12

O omarip paga pa'nggwe inom, o ame pa'nggwe inom, ti, Kat nen aret wakkagagindak me, Kendage kunggwi iinok, puut Tabot inom, Keromon inom, Inale'nggen nen ndawi wako menggaarak o.

Yetaya 2:5

At Yakup paga wiganak yi wae. Kit kunduk Aliku ALA eya paga nogo logonip o.

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Ala Unde 25:8

Yoge nagagerik, “Tahun 6 eeppunuk, ambi ari wage kenok, nggween lubunuwak nduk teppugwi nogo ti, tahun 7 mban 7 kuli eeke kenok, lambuk togon 49 tahun aret me, ineenggi linggimbunuk, tahun 49 abu eekerak kagi, mba'nuk,

Ala Unde 25:9

Tut 7 penenak tanggal 10 yi paga, Ala ninom lambunuwok o, yinuk, inale'nggen eekwi ti eyom paga it logowam yi awi ndi awi abok aret konenuwak nduk, oone nggwok eeka trompet oone pu kunik-kunik eekwi iinok,

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Oroma 1:17

“Aap ambi abet mbake kenok, Ala nen obeelom agago pemenggerak me, eenik aret logogin o,” yinuk, yereegerak liiru mbanak nogo ndak-ndak, Ala nen nonggop togon aakumi iniki koonogo obeelom eeginake menggerak nogo, wone obeelom wone ti paga aret nineenu age menggerak. Ala nen aakumi obeelom eeginake nogo ti, abet mbakwi ti paga mban aret o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.