Ndawi 89:10 - Ala Wone Peenok Peebi Mbanak

¹⁰ Aap inooke menggi kwak, Waalo kole endage Arakap nogo aan lebenogo punuk wake, Keenggi omaawi paga kawim nogo mugogo mappiige, Eereegindak o.

Ndawi 89:10 ပူးပေါင်းရင်းမြစ်များ

Ndawi 144:6

Nawim inagabiti nen kole ma'naruwak nduk, O yabok kilanogo nappit wage, Ineebe ma'naruwak nduk, komaale namburogo nappi wage, Eeru o.

Ndawi 59:11

Togop eerumunggun kwe, Kat ninanggeemu kwak ninogoba wae! Kat eeke nogo aakumi an mendek inami arukwak, It ineebe inoorogo piyoorak mage o. Ata, it mak aago nugu logowak nduk, Komaawi paga mak eerogo piige, tebenogo piige, Eeru o.

Ndawi 65:8

O irip-irip wonogwe abok aret eerubok eeke menggendak inigen kenok, “Ia!” yinuk, inagabiti mbakwi, Oonegen lagi wage menggim alom me nen nok, irip me Oonegen kilu yi nage menggim wonogwe abok aret kat eeke inigen kogo logomenggaarik, Inale'nggen nen keekok yogwe, Eeko menggaarak o.

Ndawi 68:1

Ala pilak ari kenok at awim nogo ma'nogwe, Inom ogoorak muguren nage kenok kole mbaganggwi, Eeko logowak o.

Ndawi 68:30

Tapi pogom wam kole niyo aa'nggi paga Mbereewa'na nugu mengga kwak ninawim nogo inaruk wake, Tapi aagalogwe inenggela'me Tapi ngguunok kombogonak nugwi kwak Yi aakumi ndi aakumi inomaawi lombok menggaarak nogo, Tebenogo piinok, mbuti perak wonok Wokkiri wogo logowak nduk, koone omaawi paga yorage, It wim namburiyak mban inikilom mbaka nogo mappiige, Eeru o.

Ndawi 87:4

“Ala ti, nit ninogoba aret o,” yinuk, Yogo menggaarak inenggela'me o Metit inom, Mbaben inom, endage kungge, It Pilitin menggam inom, Tirut Kuti imbirak inom, endage kungge, Eeke logonet, “It abok yi, inawi alom o kota Tiyon aret o,” Yinuk, yigin o.

Yetaya 24:1

“At Aliku ALA nen nggween yi maluk eerogo pege logonet, mbuk eerogo pege, Aakumi logorak meek eerogo pege, Eerigin abet mbako logonip o. Nggween ena abut laganogo pege logonet, it aakumi o yime menggaarak nogo mappiyaagin.