Ndawi 89:1 - Ala Wone Peenok Peebi Mbanak

¹ Kaliku ALA ninabuwa nen Kiniki kunik ee'ninabit wage menggendak nogo, Ndawi paga mondok-mondok tiyangge, Yo'niraga'ndak li'luk eeppinanege menggendak nogo, Ninapuri-ninombowologwe nda'narit wundi wogwe nogo, Noone paga yoranet nage, Eeke logogin o.

Ndawi 89:1 ပူးပေါင်းရင်းမြစ်များ

1 Endagembogut 5:11

Nappiya wagak eeke mbareegi, at Talomo nen Kiram ame menggaarak inake gandum karun kole yonggolak empat puluh empat ribu karun inom, tayitun amburu mburunogo togolowak yele-kole nderom dua ribu lima ratus me toolak inom, tahun ambi eekak paga nappiya wagak eeke nagagerak.

1 Mbinineegwaarak 2:6

At Tera nen apuri aap ndaganabeegerak ti, ineebe 5 Timiri, Etan, Keman, Kalokon, Ndara aret.

Ndawi 101:1

Kaliku ALA wae. Kat nen aakumi kiniki kunik aganake, Eekaatak a'me nggelok eeppiige, Eeke menggendak nogo paga An nen ndawi wake, Kinikilom mbarenok nduk, ndawi paga tiyappagage, Eeke logogin o.

Ndawi 106:1

At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 119:90

Kat liirogon eeppiinet nage menggendak nogo ti, Aa'nduk ndarak inom, yogondak nda'nogwe inom, Peebi nda'narugun inom, Mondok eeppinanit wundi wage menggendak o. O nggween yi, alom yarogo pereegindak me, Mondok aret wonage menggerak o.

Ndawi 36:5

Kaliku ALA wae. Aakumi kiniki kunik eeginake menggendak ti, Mbogut paga kuli aret wonage, Eeppiyoorak mbake'ndak li'lak eeke menggendak ti, Ndugwi paga kuli aret wonage, Eeke menggerak.

Ndawi 59:16

Togop aret kwe, maluk noba ari wage kenok, Kat keebe paga kumaarogo panege, Pak wurik kwak, keebe aret mulunogo panege, Eeke menggendak me, Komaawi nogo ndawi paga kanep pege, Nabuwa lombok mbake menggendak nogo Kubondendok nen ndaame paga kanep pege, Eerigin o.

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Ndawi 88:11

Aakumi kambunuk nogo menggam nogome nen Kat aakumi inabuwa mbake menggendak nogo mbininggwi, Aakumi lek eerogo piigo menggam nen Yoraga'ndak li'luk eeppiige menggendak nogo yogwe,

Ndawi 89:24

At eeppuurak yoriminggirak nogo liirogon aret eeppege, At abuwa mba'nuk, eeppege, Eeke logogin me, An nendage kunogo punuk eerit nage kagak At endage nggwok aret arigin o.

Ndawi 89:33

Togop eerigin kwe, At abuwa mbake minggirak nogo mbo pege, Wone yoriminggirak nogo li'luk eeppega'lek tayoppege, Eerigin mondok lek aret o.

Ndawi 89:49

Nogoba o. Yoraga'ndak ndak-ndak eeppiige menggendak nogo aa'nduk Ndawut eeppege logonet, “An mondok kabuwa mbake logogin o,” Yinuk, kumbuk mbaneegindak nogo nonggop aga o?

Ndawi 89:8

Komaawi Lombok Menggendak Kaliku Ala wae. Kat ndak-ndak ambi ta wonage? Kaliku ALA wae. Kat mondok iya me, Yoraga'ndak li'luk eeppiiga aret wonage, Eeke menggendak o.

Ndawi 92:2

Nggitat agale 10 aago paga inom, Nggitat oone abe eeka paga inom, Eeko logonet, Lek aga'lek kiniki kunik mban ee'ninake nogo Kubondendok paga yorogwe, Yoraga'ndak li'luk eeppiige nogo Oonikiya paga nen yorogwe, Eeko logorak ti kunduk op aret o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Leendawi 3:23

Ninabuwa nen eeppinanege nogo ti, kubondendok ari wagak eeke paga alik ngget mendek mban eeppinanege, Iniki kunik nen liirogon eeppinanege ti, abu nggwok lombok eeppinanege, Eeke menggerak.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.