Ndawi 88:5 - Ala Wone Peenok Peebi Mbanak

⁵ “It kambeegwaarak ninom wonage,” nombakwi, Eeko agaarik o. Aap inoorak kambak nggween taanak wonogwe kwak, Aakumi inoba abeka'lek mbo piige menggendak kwak, Aap kat kinom kunik lek me, eenggi mbanak wonogwe kwak, An togop aret wonage agarik o.

Ndawi 88:5 ပူးပေါင်းရင်းမြစ်များ

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

Ayup 11:10

At wage logomenggerik, Aap keele maarogo mambiigo menggam mambege, Inowak loonggo menggam owak loonogo awone mbangge, Eeke kenok, Ta nen mage yoriyak mbakop?

Ayup 17:1

Namiya lek tit ee'nabit unggwage, An nda'nagagim abu aret lek age, Taambanuwam ambe pan ari wonage, Eerak wonage me,

Ndawi 136:23

Nit abu tebenak wonogwe niinok, at nen aret ninoba abereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 31:12

Aakumi kanggwi iinok, inoba aberak lek mengga kwak, An noba abe'naka'lek kobak eerogo panugwi, Niyoowak yigirik mbo pugwi kwak, An togop aret mbo panugwi, Eeko agaarik o.

Ndawi 88:16

Kanini kani eyak negen noba kwi'nage, Namineeri ne agan nawak nduk, Kat eeppanege paga neebe lek eerogo negen panege,

Yetaya 53:8

Awone amburu liirogon mbanggwi, eekerak ndak-ndak eeppugwi, eeka'lek logonet, Inoone yimbu-lambu eerogo wonok nogogwaarak. Ndi, at paga wiganak nogo taani o? Lek aret me, at awone mbanulik aret o. Napuri wone yugu taganogo pogo nogogwaarak paga warogo pereegwaarak me, It aakumi wonogo menggam nen enggaawak lek aret agagerak.

Yetikiyen 37:11

Mi'nogwe iige mbareegi, at nen an yo'nege logonet, “Aakumi nen ndarak yi wae. Aakumi inowak nggininik yi ti, it Iterali mendek abok aret. It Iterali mendek nen yogo logonet, Ninowak abu aret neno-pono nage, niniki lunik wonogwe nogo lek aret age, ninenggaawak kunduk lek age, eekerak o, yinuk, yogo agaarik o.