Ndawi 88:1 - Ala Wone Peenok Peebi Mbanak

¹ Nagap ndaka Kaliku ALA yi wae. Yeenggwa nirenok nduk, liingge-oonikiya kulinik aret noone nggwok paga yokkege agarik o.

Ndawi 88:1 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

1 Endagembogut 5:11

Nappiya wagak eeke mbareegi, at Talomo nen Kiram ame menggaarak inake gandum karun kole yonggolak empat puluh empat ribu karun inom, tayitun amburu mburunogo togolowak yele-kole nderom dua ribu lima ratus me toolak inom, tahun ambi eekak paga nappiya wagak eeke nagagerak.

1 Mbinineegwaarak 2:6

At Tera nen apuri aap ndaganabeegerak ti, ineebe 5 Timiri, Etan, Keman, Kalokon, Ndara aret.

1 Mbinineegwaarak 6:18

At Kekat nen apuri aap ndaganabeegerak ti, Amaram, Yitakat, Keboron, Utiyen aret.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Ndawi 140:7

Kaliku Kitok Menggendak ALA wae. Kat nagap ndaka komaawi lombok wonage, Nawim nen nooriyak eekwi me, Nanobak kin age neyo, noba'nake, Eeke menggendak me,

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Ndawi 24:5

It aap ti, Aliku ALA nen ale'nggen inoba piige, It inagap ndaka inogoba Ala nen, “Aap yi maluk eerulik o,” yinuk, yorage, Eerigin o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 27:9

Pe'neyoorak keebi nomba'nuk kenete kumaakkolage, Kanini nen an kayeloman mbo panege, Eerugun o. Kat nen yeenggwa nege menggendak me, Nagap ndaka nogoba Ala wae. Yogondak an teppanege, mbo paninuk mbagangge, Eerugun o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 51:14

Ala wae. Kat nogoba Ala nagap ndaka aret me, Aap amiya neenggi paga wonage nogo Lek eerogo panu o. Lek eerogo panege keenok, Kat obeelom eeke menggendak wone nogo Nale'nggen paga yoranet nege logogin o.

Ndawi 53:1

It aap yuundurak iniki me nen, “Ala eebe lek aret,” mbako menggaarak. It aakumi ineraambe abu maluk lombok logonet, Ogole warak mendek mban eerit nugu menggaarak. It ambiriluk ambi obeelom eekulik maluk mban aret eeko menggaarak.

Ndawi 62:7

At Ala nen mban nagap ndake, At nen mban nendage tiyappanege, Eeke menggerak o. Nayugum omaawi mendek nu'lek menggi kwak, Neebe op logorak abu'me ari unggwaga kwak, ti Ala aret.

Ndawi 65:5

Ninagap ndaka Ala wae. “Yeenggwa niret o,” yinuk, Yokkugwi onggo inagabiti mbariyak mendek eeppiige, A'me nggelok mban eeppiinet nage, Eeke menggendak o. Aakumi nggween irip-irip wonogwe inom, Yi nggwok laut irip pit nagagim wonogwe inom, Abok aret iniki lunik wonogwe kat yi,

Ndawi 68:19

Aaninggin-paaninggin ninoba age nogo, At ninagap ndaka ninogoba Ala nen ko'lu-kii'me wagangge menggerak me, Endage tiyappogo logowok o.

Ndawi 79:9

Kat ninagap ndaka Ala wae. Kendage abu tiyanak wonage me, yeenggwa nira wage, Kendage tebek yukwak, Wondet eerogo pinanege logomenggendik, Ninomaluk lek eerogo pinanege, Eeru o.

Ndawi 86:3

Nogoba o. Kubondendok nen oonikiya ari nage kagak, An nggino yokkege minggirak me, nabuwa mbake,

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 62:6

Kat Yerutalem yi wae. Kobak wurik paga aap tum logowak nduk piigirak me, It nen liingge inom, oonikiya inom, tum wako logonet, inoone lek puk logogun lek o. Aliku ALA o Tiyon eeppuurak yegerak aberogo yoga kit yi wae. Kurumbi yoraga'lek ugun puk logorak mage o.

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

1 Tetalonika 3:10

Nit kinetenggen kiigo logomonggoorik, kit abet mbakwi wone nogo ambi yobok ari kero, yokkiraawok nduk, ko'lu-kii'me ninoone aganggen kerek togon kinake tamban eeko monggoorak.

2 Timotiyut 1:3

An ko'lu-kii'me tamban eeke minggirak me, eeke logonet, kat koba aberak wonage me, “Nogoba Ala wa,” yinuk, yoge minggirak. An nombomini maluk abeka'lek logonet iniki abe paga Ala ake eeko nogogwaarak nogo kokwak, an ndak-ndak aret eeke minggirak o.

Titut 2:10

It aakumi inayeloman nogo ti, inogobamini inamendek yogoot kumaako logorak lek o. It nogo ti, yi eekak ndi eekak eeko logonet obeelom eerit nugwi paga aakumi ugun nogo nen, “Ninagap ndaka Ala wone waawok,” mbaruwak nduk, “Kinogobamini inamendek wagangga'lek liirogon arum logonip o,” yinuk, yorage logot o.