Ndawi 86:16 - Ala Wone Peenok Peebi Mbanak

¹⁶ Togop aret me, Kena logurogon an pe'neege logonet nabuwa mbake, An kayeloman yi, komaawi eeppanege, Kwe kayeloman aagaluk aap ndarak an nogo nagap ndake, Eeru o.

Ndawi 86:16 ပူးပေါင်းရင်းမြစ်များ

Ndawi 116:16

Kaliku ALA wae. An kayeloman abet aret wonage, Kwe kayeloman aagaluk an kayeloman aret wonage, Eeke agarik o. Mbutigeele maarak wonage me, Kat nen aret piinogo panggendak o.

Ndawi 119:132

It aap kat keebe iniki kunik eekwi iinok, Inabuwa mbake menggendak kwak, Kena logurogon pe'neenok nabuwa mbake,

Ndawi 119:94

Eeko logorak koone yugu nogo an mugurok nage, An neebe kat kamendek aret kombake, Eeke me, An nagap ndaru o.

Ndawi 138:3

An nen, “Yeenggwa niru o,” yinuk, Noone nggwok paga yokkege neenok, aret yeenggwa nege, Nagabiti lek nogogumbuk logonet yorage logokit nduk, Eerogo panege, Eekendak o.

Ndawi 25:16

Nalik mbo panegaarak wonage, Tebenogo panegaarak wonage, Eeke me, Kena koonogo pe'neege, Nabuwa nen obeelom eeppanege, Eeru o.

Ndawi 41:5

It ninom wim mbanak nen Ineebi lombok nomba'nuk yogo logonet, “At endage lek logowak nduk mbet kambiyok!” Yinuk, yogo agaarik o.

Ndawi 69:16

Kaliku ALA wae. Aakumi kiniki kunik lombok aganake logonet, Obeelom eeppiinet wundi wage menggendak me, Noone yokkege nogo karuk konembunuk onggo yo'nege, Nabuwa nen kena koonogo pe'neege, Eeru o.

Ndawi 84:5

“Ala nen aret ninomaawi eeppinanege logowak o,” Yinuk, iniki kat paga panggonak wonogwe, O abe alik leenak menggim nogome noorak iniki lunik lombok wonogwe, Eekwi iinok, Inale'nggen aret menggaarak o.

Ndawi 90:13

Kaliku ALA wae. Ninabuwa mbaka'lek mbo pinaninuk keegak, Ne mande ari nagin o? Nit kayeloman mini yi, ninabuwa mbaru obak!

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Lukat 1:38

Yoge mbareegi, at Mariya nen, “E o. Nogoba Ala ayeloman an aret me, yo'negendak nogo ti, mondok ndak-ndak aret eeppanuwak o,” yoge mbareegi, malayikat nogo nen kolaga nogo teppunuk, nagagerak.

Epetut 3:16

“Kat mondok tiyanak logonet, koba ngginik kagak kapuri eeppiige menggendak nogo ndak-ndak, kat Kaberiniki nen eeppiige kagak komaawi paga iniki nu'lek eerogo piige logot o,” yinuk, kinake tamban eeke minggirak.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Kolote 1:11

It Ala apuri ake leenak nogo, Ala abu'me eya aago menggim logonet, pipuk eerogo piyareegerak kolaawak nduk, kooneegerak nogo, ninom ndak-ndak kolaawok nduk, niniki koonogo pinaneegerak me, aaninggin-paaninggin kinoba age kenok, kinaanaganggenggwi lek kiniki kwi'ndak nu'lek logonet, kiniki ale'nggen paga, “Ninogoba Ala wa,” yinuk, waganggo logobagip nduk, tamban eeko monggoorak. Kit kiniki kwi'ndak logonet, waganggwi kiigak, at mondok tiyanak logonet omaawi paga yi mendek ndi mendek eeke menggerak nogo nen, kit ndak-ndak omaawi eeppinagage logowak nduk, kinake tamban eeko monggoorak.