Ndawi 85:6 - Ala Wone Peenok Peebi Mbanak

⁶ Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi 85:6 ပူးပေါင်းရင်းမြစ်များ

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 149:2

At ogobakkigirogo piyareegerak kenok, It Iterali nen inale'nggen mbakwi, It inowe endagembogut kenok, It Tiyon mendek inale'nggen nen keekok yogwe, Eeko logowak o.

Ndawi 53:6

It Iterali inagap ndariyak nduk, Puut Tiyon paga nen woraawak lak, ao! At Ala nen at apuri aa'nduk obeelom wonogogwa kwak, Obaane'me obeelom eerogo piige kenok, At Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Ndawi 77:8

Iniki kunik ee'ninabit wundi wage menggerak nogo, Mondok lek agaarak kwa? Eeppinaniyak abuk nggaruk togon koonogo pereegerak ti, Mbeyok yereegerak ilik, nok eeppinanit nage logogin a?

Ndawi 80:18

Ninarum wonage keenok, nit kat mbo pagagun lek o. Nit aa'nduk wonogogu kwak eerogo pinanege keenok, Nit nen kat kendage kunogo yokkogo logogun o.

Ndawi 90:14

Nit nda'nogogum eyom ari naga'lek kagak Niniki ale'nggen yogwe, ndawi lubuk yogwe, Eeko logowok nduk, Ninabuwa nen kiniki kunik ee'ninake nogo paga ko'lu-kii'me kubondendok ndonggok togon eeppinanegak mban eeke logot o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yeremiya 33:11

aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.