Ndawi 85:4 - Ala Wone Peenok Peebi Mbanak

⁴ Nit ninagap ndaka Ala wae. Nit aa'nduk wonogogu kwak eerogo pinanege, Nit eekwi paga keebi ninombake nogo mbo pege, Eeru o.

Ndawi 85:4 ပူးပေါင်းရင်းမြစ်များ

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 78:38

Togop eekwi iigak kwe, At Ala nen inabuwa mbake, It maluk eeko nogogwaarak paga inoorulik inomaluk nogo mari eerogo piige, “O wiya warit nage nagaatik, Yungguninuk warit wageelik kwak, Aakumi ti, kanggo menggaarak mendek aret o,” yinuk, Abeke nagagerik, anini wuk togon inoba piyoorak mbaketak kwe, Iniki yanggo yinuk puk age, At anini age nogo perak togon eeppiiga'lek tebenogo punuk wonage, Eeke nagagerak o.

Ndawi 80:19

Togop eeko logogun me, Komaawi Lombok Menggendak Kaliku ALA wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 80:3

Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 80:7

Komaawi Lombok Menggendak Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Yetaya 10:25

An ne mbuuluk logonuk nanini it paga wonage nogo tayo ari logominggirik, Nanini it Atiyut mendek inoba piige logonet, ineebe lek eerogo piyaagin,” yegerak me, yokkiragi o.

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yeremiya 31:18

“At Eparayim nen le ari logonet, an yo'nege konenggirak nogo yi aret. Wam enegen mbolok kenok owaanggo eerogo pogo mengga kwak, niniki koonnaruwak nduk, togop eerogo paneegindak paga niniki koonnagagerak o. Kat nogoba Kaliku Ala aret me, an aa'nduk wonagagi kwak logokit nduk, niyokan wo'neren pani wage logot o.

Leendawi 5:21

Kaliku ALA wae. Kat nen nit mondok-mondok mbo pinanege, Kanini kuli pega'lek ninoba pinanegak mban eeke, Eeriyak mbaka'lek lek keenok, Niniyokan wo'niren kat wonage me pinani woraanok nduk, wo'ninake, Aa'nduk wonogogu kwak eerogo pinanege, Eeke logot o.

Ndaniyen 9:16

Ninogoba wae. Nit maluk eekwi paga inom, ninombomini maluk eeko nogogwaarak paga inom, it aakumi ninaagan-ninambokan wonogwe abok aret nen o Yerutalem endage maluk eerogo pugwi, ndi, nit kat apuri meek eerogo pinanugwi, eekwi me, kat obeelom eeppiinet nage menggendak nogo ndak-ndak kagota kabuut alik leenak menggerak o Yerutalem nogo kiniki aagi eeppege, kanini oba kwippege, eeke nogo mbo punuk, kena koonogo pe'niige logot o.

Oteya 11:9

An nanini kani omoonuk negen mi'nage logonet, it inoba kwippiige, It Eparayim mendek ambinom lek eerogo piige, Eerigin lek o. An aakumi kwak lek o. An Ala kikak nakeelik alik leenak it inenggela'me minggirak me, Nanini nen maluk eerogo piyaakit nduk, woraagin lek o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Maleyaki 4:6

Nappi woraminggirak wage kenok, inogobamini nen inapuri inabuwa mbaruwak nduk, iniki koonogo piige, inapuri nen inogobamini inabuwa mbaruwak nduk, iniki koonogo piige, eeremenggerak kwe, ndak-ndak eekwi lek iinok perak, an wage logominggirik, inanggween nogo maluk eerak logowak nduk, pulunogo pigin o,” yinuk, at Omaawi Lombok Menggerak Aliku ALA nen aret yegerak me, yokkiragi, yinuk, yoragagerak.

Yaya 4:22

Kit alut eeko monggotak eebe kineenggo'lek logonet, alut eeko monggotak kwe, at ninagap ndaka nit aap Yakuri ninenggela'me nen mi'narigin me, nit alut eekwi nogo perak, nineenu logonet, alut eeko monggoorak o.

Yotuwa 7:26

yugum obaga kalo logonogo pogo mbareegwa, Aliku ALA anini kani negen wunuk ari nagagerak nogo yamu agan nagagerak. Ne ti paga nen o alu'me ti endage, “Aaninggin Eeppiiga Kobappaga aret o,” yereegwaarak me, o yogondak yogwe wonogwe aret o.