Ndawi 85:13 - Ala Wone Peenok Peebi Mbanak13 Waga'lek kagak, Ala woraawak nduk, Aa'nduk kiniki obeelom logonet, A'me nggelok mban eerit namonggotak paga at aru pipuk eerogo pogo logomunggup o. အခန်းကိုကြည့်ပါ။ |
Ti aret me, ti eekwi iinok, o kilin nagake menggi kwak eya pindanogo piige, Inawinde-inobaande aago nogo mbet-mbet lek eerogo piige, Eerigin o. Iniki abe koonak logonet eerit nugwi nogo, inabok aa'nduk konenit wogwe iigak, ineebe peebi wogwe, Ndi, Naliku ALA tiyanak neenok, Wi! yogwe nogo, inambokan mulunik kagak wogwe, Eerugun o.
Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.
An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.
Aap ambi eebe andi yagan wake logonet, “An maluk ambinom eerigin lek,” mbake menggerak me, at Keritut eebe andi-pandi eerogo pugwi iigak, iniki kwi'ndak logonet wagangge nagagerak nogo kwak, kit ndak-ndak kiniki kwi'ndak logonet, waganggo logobagip nduk, it aap wim eeka nen li'luk eeppunuk, mengga kwak, kit togop aret eerogo patinuk logonip o.