Ndawi 84:7 - Ala Wone Peenok Peebi Mbanak

⁷ Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Ndawi 84:7 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 122:2

Kat Yerutalem yi wae. Yogondak keyagat wurik me tu unggwogo menggam Nit muk mi'nari wogoorak wonogo ogoorik o.

Ndawi 42:2

Niyo abu ee'ninake menggi kwak, Kat mondok-mondok keenik menggendak Ala, “Ao,” lombok kombake minggirak me, “Kat wonage me mandenom keya woroorak?” mbake agarik o.

Ndawi 43:3

Kat aakumi eya eeppiige menggendak inom, Li'lak mban eeke menggendak wone inom, nen Tu ni'neege, Kat wonage menggenom kabuut alik leenak menggim pani wage, Eeke logowak nduk, Nappani mok o.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Yetaya 58:11

Naliku ALA nen pigiren nage, Niyo lek nggween woloonak paga wonogwe iinok, yi mendek ndi mendek obeelom wogorage, Inomaawi eerogo piige, Eerigin o. Yi mendek ndi mendek yarak nogo obeelom aruwak nduk niyo kilirogo pogo mengga kwak eerogo piige, Niyo eneeri porok arilik kila-kila wungge menggi kwak eerogo piige, Eerigin o.

Yeremiya 31:6

It aap oonikiya tum waka nen o Eparayim puut-puut teberogon paga time wonogo logonet, Aliku ninogoba Ala o puut Tiyon paga wonage me lagi nawok o, yinuk, Kuum-keek yogo logorak eyom panggoni woraagin o,” yinuk, yo'niragagerak o.

Yetikiyen 34:26

It ineebe paga inom, nabuut enaagan-ambokan it wonogo menggam nogo paga inom, nale'nggen eerogo piige logonet, o mayu wage menggim age paga mayu wuppi woraminggirak wage logonet, yi mendek ndi mendek obeelom eerogo pit wage kenok, inale'nggen mbako logogun o.

Takariya 14:16

Togop aret eeke kenok, it yi aakumi ndi aakumi o Yerutalem wim eeri unggwogo logonet, yumbunogo piyamenggaarak wonogwe nogo, abok aret nen yi tahun ndi tahun paga inowe endagembogut at Omaawi Lombok Menggerak Aliku ALA nogo alut eekwi, inawooliya wurit wogogwaarak aberogo laago lariyak nogo lakwi, eeko logogun o.

Lukat 2:24

ndi, ambi yorage logonet, “Towe puume mbere'ndak ilik, towe kuroma mbere a, an kinogoba nake warogo puwak o,” yinuk, yorage, eereegerak liiru mbanak nogo ndak-ndak eeruwok nduk, wonok wogogwaarak.

Yaya 1:16

At oona ngginik kagak iniki kunik nen eeppinanegak mban, eeppinanegak mban, eeke kenok, nit abok aret waganeegurak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 15:2

Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.

Yaya 6:39

Ndi, at nappani wagagerak eeriyak mbake nogo ti, it an wo'nege nogo ambit kobak ariyak lek, o age wobok paga it abok ineenik agago mippiyoorak mbake menggerak nogo aret o.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

Pelaareegerak 16:16

Kit Iterali kinenggela'me aap mban abok aret tahun ambit eerak ne kenagan, ambi laago Oroti Piika'lek kagak lakwi paga inom, ambi laago Anggen Mbanak Kuwak Eekwi paga inom, ambi laago Ooliya Wureegwaarak aberogo lakwi inom, at Aliku kinogoba Ala leenogo pemenggim enggaanom paga woraawak o. Ndi, wogo logonet, ineenggime lek we wogo logorak mage o.

1 Tetalonika 4:17

Mippiige logomenggerik, ti'nuk, nit nineenik awo wonogwe nogo, it ninom ndugwi enggela'me oolo taati ninowe ninom lambunuwok nduk, wo'niren nagin o. Wo'niren nage kenok, ninowe ninom mondok-mondok aret logogun o.

2 Peterut 3:18

Ninogoba Ala iniki kunik nen eeppinanege menggerak nogo kit kiniki kole aruwak nduk, ambinom eeppinagage, ndi, at ninagap ndaka ninowe Yetut Keritut eebe kineenu aret kwe, ambinom kineenu arubagip nduk, eerogo pinagage, eeke logogin o. Yogondak nen, nok, mondok logorak kuli at eebe mondok tiyanak aret logowak o, yinuk, an Peterut nen abu aret yokkiragi o. Wa!