Ndawi 84:4 - Ala Wone Peenok Peebi Mbanak

⁴ It aap ko'lu-kii'me kawi wurik me mban wonogwe, Ko'lu-kii'me kendage alut eekwi, Eekwi nogo Inale'nggen aret menggaarak o.

Ndawi 84:4 ပူးပေါင်းရင်းမြစ်များ

Ndawi 145:21

Togop aret me, an nen, “Aliku ALA abu tiyanak o,” yinuk, ari logogin o. Yi mendek ndi mendek inamiya warak abok aret At endage abu abe alik leenak nogo mondok-mondok tiyappogo logowak o.

Ndawi 23:6

Obeelom eeppanit nage, Nabuwa nen kiniki kunik ee'nabit nage, Abet aret eeke keegak, Kambi noorak kuli aret ari nagin o. Ndi, Kaliku ALA wonage menggenom nogome An mondok-mondok aret ye mbambatinuk logogin o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 42:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, lombok mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” yinuk, yoge agarik o.

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 71:15

Kubondendok nen nok, oonikiya ari nage kagak, “At abe koonak mban eerit nage menggerak o,” yinuk, agan nage, Aakumi inagap ndarogo piyoorak kuli pegendak nogo, Neenggo'lek kwe, yoranet nage, Eeke logogin o.

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.