Ndawi 83:13 - Ala Wone Peenok Peebi Mbanak

¹³ Nogoba Ala wae. O wiya nen liirubu wonok nage menggi kwak, Wiiri anggen wiya nen wonok nage menggi kwak, It aap ti, togop aret eerogo piige,

Ndawi 83:13 ပူးပေါင်းရင်းမြစ်များ

Ayup 13:25

An nogo ti, O wiya nen eyoongga wonok nage kwak me, nagabiti mbake, Ameneno wonok nage menggi kwak me, mu'neren wage, Eeke ti, op mbaken?

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ndawi 22:1

Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 35:5

Aliku ALA ayonggo malayikat nen mugogo nappiige kagak, Wiya nen iri'ngga ameneno wonok nage menggi kwak, Togop aret aruwak o.

Ndawi 44:4

Kat nogoba Ala kendagembogut aret o. Yakup ombowologwe ineegin tiyak yuwak nduk, Wone lengganogo yorage nagagindak o.

Wundeegwaarak 15:7

Kat abu tiyanak lombok logonet, It aakumi koone taganuwok nduk, mi'nagaarak nogo tebenogo piige, Ndi, nggubungga omoonuk ne ambit liingge kani nengge menggi kwak, Kanini inoba piige logonet, ne ambit lek eerogo piige, Eekendak o.

Yetaya 40:24

Awi awo yakwi, anggen awo yumbunggwi, Omanggen yaruwak nduk, mbanogo nggween me awo tebenggwi, Eekwi iinok, At ambe aagi pu eeremenggerak paga teebat eerogo punuk, ameneno kwak aremenggerak me, o wiya warit wage logonet, wonok ma'nage menggi kwak aap ti, togop aret eeginabigin o.

Yetaya 41:2

Yoragagerak kuwak ari wogo mbareegwa, it yorage logonet, “Oonegen lagi wage menggim nen eegin tiyak yagak mban ari logowak nduk, ta nen eeppege, At eerukwak a'me nggelok eeppiige logowak nduk, ta nen yonggo pege, Eereegerak mbakop? At nen yi aakumi ndi aakumi tebenogo piinok, unde logowak nduk eeppege, It yi aap ndi aap inendagembogut tebenogo piinet nage logowak nduk eeppege, Eeke kenok, Awooluwak paga liirubu kwak eerogo piige, At eegin-omaale paga pubu anggen wiya nen wonok nggarek ari menggi kwak eerogo piige,

Yeremiya 13:24

At Aliku ALA nen ari logonet, “At an neebe ami age nagagerik, abe eeppuurak lek kagak kugi ti paga iniki panggombereegerak me, O wiya karume nen oone pu wage logonet, gandum arinon wonok mappege menggi kwak, mak eerogo pigin o. An nen at eerogo puurak koonogo pereegirak ti aret me, ti aret eeppege neyaagin o.

Yetikiyen 35:10

Naliku ALA an o time wonage neegak kwe, at Teyit nen ari logonet, It aakumi inanebunu mbere ti inom, it inanggween inom, nit unde eeppatinuk logonet, nit mendek aret aruwak o, yereegerak me,

Yetikiyen 36:2

At Aliku Itok Menggerak ALA nen yegerak nogo yi aret. It inom wim mbanak nen puut-puut eekwi nogo abok mbanggo logonet, Puut-puut mondok itok tiyarogon menggerak nogo, nit muk unde eekkologogurak me, kayik a! yinuk, yogwe me,

Matiyut 3:12

Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.