Ndawi 82:3 - Ala Wone Peenok Peebi Mbanak

³ It aap eekkoloorak meek inom, elege moono inom, Inawone liirogon koonogo pugwi, It aap tebenak wonogwe inom, ineenggi lek inom, Eeppiyoorak op aret me, eeppiigwi,

Ndawi 82:3 ပူးပေါင်းရင်းမြစ်များ

Ayup 31:21

It aap inowak loonggo menggaarak nen Noone konenggo menggaarak neenu me, Aap moono iinok, noone lok togon yorage, Ee'netak en

Wundeegwaarak 23:3

Ndi, aap eenggi lek ambi nen maluk eeke kenok, owak loonggwi me, abuwa nen aana'le mbaniyak mage o.

Wundeegwaarak 23:6

Aap eenggi lek mendek owak looniyak nduk wage kenok, Aap yi meek me, yinuk, awone ugun-ugun mbaniyak mage o.

Kini Wuppiige 31:9

Eeppiige logonet, eekaatak a'me nggelok mban inowak looninake, Aap ineenggi lek inom, aap tebenak wonogwe inom, tebenogo piyookwak, inaana'le mbanogo piige, Eeke logot o.

Yetaya 1:17

Eeko logomenggaarik, Obeelom eeriyak mendek mamunggologwe, A'me nggelok eeriyak mendek mugurok nogwe, Aap tebenak mendek iniki eyak wappiigwi, Elege moono inake koonggwi, Kumi togwe eeppiyoorak inawone mbanggwi, Eeko logowak o,” yinuk, ari kagarak me, yokkiragi o.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 22:16

It aap ineenggi lek inom, it ambi eekkoloorak meek tebenak mendek inom, Inawone amburu liirogon mbanogo inowak looninake nagagerak ti paga endage obeelom wonagagerak o. It aap an Naliku ALA liippanugwi iinok, togop aret eeko menggaarak nogo lek a?

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Takariya 7:9

Yo'nereegerak nogo it aakumi yorage logonet, “At Omaawi Lombok Menggerak Aliku ALA nen yegerak nogo yi aret. Eekaatak a'me nggelok mban eeppiigwi, it mban-mban nabuwa-kabuwa eekko'net nogwe, eeko logowak o.

Pelaareegerak 10:18

At nen elege moono inom, kumi togwe inom, inawone liirogon koonogo piige, aap nggiru inabuwa nen inambi noorak inom, inayum yikkoloorak inom, wogorage, eeke menggerak me,

Pelaareegerak 24:17

Aap nggiru inom, elege moono inom, Meek, mba'nuk inawone ugun-ugun koonogo piigwi, kumi nanu kunduk, Kinamendek wogorogo logonet, ninamendek obaane'me pegak kola woraamunggup o, yinuk, inayum waganggwi, eeriyak mage o.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.