Ndawi 82:1 - Ala Wone Peenok Peebi Mbanak

¹ O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Ndawi 82:1 ပူးပေါင်းရင်းမြစ်များ

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Ndawi 58:11

Ti eekwi nogo aakumi nen inigen iinok, Yogo logonet, “It aap iniki abe koonak nogo Ala nen onggo wogorage, O nggween paga eekaatak ndak-ndak inowak loongge, Eeke menggerak abet aret kogo o,” Yinuk, yogo logogun o.

Ndawi 58:2

Lek aret o. Yiluk-yiluk inowak loonuwok nduk, koonggwi, Eekaatak liirogon koonggwi lek Kinoone omaawi paga, “Eekendak o,” yinuk, Aakumi o yime maluk eeppiinet nogwe, Eeko ogotik o.

Wundeegwaarak 18:21

yeenggwa kugo logowak nduk, it aakumi inanebunu lombok inenggela'me nen aap ineebe wone koongga kenok, Ala inagabiti mbaka kenok, wone yo'nuk, Abet aret eerigin, mbaka kenok, iniki yanggo yuwak nduk, wu wogogaatak waganggeelik kenok, leenogo piige logomenggendik, at ambi nen aakumi ineebe seribu unde logowak nduk mippege, at ambi nen aakumi ineebe 100 unde logowak nduk mippege, at ambi nen aakumi ineebe 50 unde logowak nduk mippege, at ambi nen aakumi ineebe 10 unde logowak nduk mippege, eeru o.

Wundeegwaarak 21:6

at ogoba nogo nen ayeloman nogo wonok Ala awi wurik me pi nage logomenggerik, tungga paga ilik, tu yinik ambe paga a, mippunuk, Mondok-mondok nayeloman logomunggun o, yinuk, aruk pelenogo puwak o.

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Wone Alom Kibingga 5:8

Aap ambi yabu unde wonage nogo owe nen enegen wagangge, ndi, it imbirak inoweewi tiyarogon nen inigen wogonakwi, eeko menggaarak me, kat nen o ambime it aakumi meek mendek tebenogo piinok wonogwe, wone yugu ndak-ndak eeppiiga'lek inawone yiluk-yiluk mbanggwi, eekwi kenegen iige kenok, “Aap yi eekwi iya!” mbariyak mage o.

Yetaya 3:13

Aliku ALA aakumi inowak loongge menggim kwi'nari unggwage, Aakumi abok inowak loonikit nduk mi'nage, Eeke agaarik o.

Yaya 10:35

Ala wone liiru mbanak ti, alik mbeyok ariilik nit nineenu me, Ala nen it aakumi at oone koneneegwaarak nogo, Kit an Ala pogom wonogwe o, yinuk, yoragagerak me,