Ndawi 81:8 - Ala Wone Peenok Peebi Mbanak

⁸ Togop me, kit an napuri Iterali mendek yi wae. Kurumbi yokkirage yi, liippugwi, Iterali mendek yi wae. Noone koneniyak mbakwi kenok, kinaruk konenggwi, Eeko logonip o.

Ndawi 81:8 ပူးပေါင်းရင်းမြစ်များ

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Ndawi 81:13

Kit an napuri noone liirogon konenggwi, Kit Iterali an nen yokkirage ndak-ndak eerit nogwe, Eeko logonetak en,

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Wundeegwaarak 17:7

Ndi, it aakumi Iterali nen, “O ya'i at Aliku ALA ninenggela'me abet aret wonage ilik, lek a?” yinuk, inoone yi-wu yogwi, Aliku ALA abut mbanggwi, eereegwaarak me, o nogo endage Mata-Meriba tooneegwaarak.

Wundeegwaarak 19:16

Yorage nagagerik, wonogwe me, nogo mbere yinuk, ko'lu kuubondendok paga o ngguurubu eeke, o yabok eeke, puut nogo paga tit kunogo pege, eeke logonet, trompet oone nggwok lombok pu eeke mbareegi, it aakumi inawooliyana wonogogwaarak nogo abok aret inagabiti nen inaganak wareegerak.

Yetaya 1:19

Wone an yorage yi, Konenuwok o, yinuk, ndak-ndak eekwi iinok, It o time ineyabu eeremenggam anggen abe mban mbanogo nunggo logogun kwe,

Linggineegwaarak 20:13

It aakumi Iterali nen at Aliku ALA mberugwi, ndi, Ala iniki kikak nakeelik omaawi menggerak nogo nigiige, eereegerak kenok, o nogo endage, Meriba aret o, yinuk, toonogo pereegwaarak. Nit ninoone paga ti, Ineebi-ineeba Yogo Nogogwam aret o.

Yaya 3:11

Nineenu kenok mban yokkirogwe, ninigen kogoorak nogo paganogo yokkirogwe, eekwi kwe, paganogo yokkirogwe nogo kit wagangga'lek aret ogotik o, yinuk, mondok abet aret yokkiragi o.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Pelaareegerak 32:46

wone ambi ari logonet, “Eeko logorak wone yugu liiru mbanak abok aret an yogondak yokkiragarak yi nogo ti, aanom warogo yokkirage lek o. Ata, kit kineenik logorak kinake aret me, kit niyo Yoraran wunda nanuk, o kit unde a'nuk logowam time logonet, kineenik nggorek aret wonogwe, ndi, kinapuri nen liirogon konembunuk, eeko logowak nduk yorogwe, eeko logomunggup nduk, yokkirage me, kiniki liippunuk, waganggo logonip o,” yinuk, yoragagerak.

Pelaareegerak 5:27

Lek aret me, kat Muta mban at Aliku ninogoba Ala oone ari abok aret konengge logomenggendik, yokkege nogo nit yo'nirage kenok, nit konenggwi, eebe aret eekwi, eerugun me, kat kalik aret at owagam nage logot o, yinuk, an yo'nereegutak nogo o.

1 Yaya 5:9

Aakumi nen paganogo yo'nirogwe iinok ti, abet mba'nuk woorak op mbakwi kwe, nit abet mbaruwok nduk Ala nen alom kenagan paga, “Yetut ti, an naput aret o,” yinuk, eereegerak ti, mondok iya me, “Yi abet aret o,” yinuk, waganggo logowok o.