Ndawi 81:5 - Ala Wone Peenok Peebi Mbanak

⁵ Ndi, inoone nit nineenggo'lek menggam o Metit nogo Ala nen tebenogo piyaakit nduk wage kenok, It Yutup paga wiganak mendek eeko logorak wone lengganogo pege, Eereegerak nogo ti aret.

Ndawi 81:5 ပူးပေါင်းရင်းမြစ်များ

Ndawi 114:1

It Iterali o Metit nen wundi wogwe, It Yakup paga wiganak aakumi inoone alik yogo menggam inenggela'me nen wundi wogwe, Eeko mbareegwa,

Ndawi 77:15

Keenggi omaawi paga kapuri Yakup paga wiganak inom, Yutup paga wiganak inom, wondet eerogo piige, Eereegindak o.

Wundeegwaarak 11:4

Aliku ALA nen Muta togop yoge mbareegi, Muta nen Pirawun yoge, “At Aliku ALA nen ari logonet, Oonikiya yi paga an aakumi Metit mendek inenggela'me yime nege logonet,

Wundeegwaarak 12:12

Ti eekwi wonogwe iigak, Naliku ALA an aret me, oonikiya ti paga o Metit irip-irip abok aret nage logonet, aakumi Metit mendek inapuri manggu ndarak inom, inaanggumi aa'nduk ndarak inom, abok aret inooke, inagugi abok aret inomaawi lek eerogo piige, eerigin o.

Wundeegwaarak 12:27

kit nen onggo yorogo logonet, At Aliku ALA nen aakumi o Metit mendek inapuri manggu ndarak kenok inoorit nage logonet, nit Iterali mendek niname o Metit wonogwe nogo ninili eerogo teppinaninuk, ninobaga mbo nagagerak eyom kenok, abeko logonet, Aliku ALA ake ndomba yi warogo lako ogoorik o, yinuk, yorogo logomunggup o,” yinuk, yoragagerak. Yoragagerak nogo yorogo mbareegwa, it aakumi Iterali nogo inendobanggun yindumbunuk Ala alut eereegwaarak.

Wundeegwaarak 12:29

Ne ti paga o nogo iniki mbere eeke paga at Aliku ALA nen aap endagembogut kwi'ndak menggim kwi'ndak wonage Pirawun apuluk nogo nen nok, it aap keele maarogo mambiyareegwaarak inapurilogwe kuli inom, inaanggumi inom, o Metit paga manggu ndarak wonogwe, abok aret inoorogo piinet nagagerak.

Yetaya 28:11

Togop yogwe me, Ala nen ari logonet, “It aap ineebe ndeyak mendek tat yonggonggologo logowam yi aret me, yime aret yonggonggologo logonip,” yorage, Ndi, ambi, “Yonggonggologo menggam nogo yi aret o,” yinuk, yorage, Eereegerak kwe, At oone koneniyak ineebi mbareegwaarak nogo it aap inambik nen yora wogwe, Inoone alik mendek paga mamunira wogwe, Eeko logowak nduk, Ala nen nappiya woraagin mbako logonip o.

Yeremiya 5:15

Aliku ALA nen ari logonet, “It Iterali paga wiganak ti, aakumi ambi inoone ineenggo'lek me, yogwe liippugulik wonogwe, O aa'nduk nen nok yogondak kuli inendage lek ageelik mondok ki wonage, Eeke menggerak nogo O nda nen tebenogo piya woraawak nduk, nappiya woraagin o.

Yetikiyen 20:20

ndi, nogo 6 yippunuk, ko'lu paga yonggonggologo logorak leenogo pateegirak ti, kit ninom wone yereegurak abekak aret me, eekwi, eekwi kiinok, Naliku kinogoba Ala an aret kineenu arumunggup o, yinuk, yoragagirak.

Amot 6:6

Anggur amburu niyoowak eno korok togon toologo nenggak mban eekwi, Kinagabolo anen pera yuwak nduk, amburu abu abe kinagabolo paga mbenanggologwe, Eekwi kwe, It Yutup paga wiganak nogo inenggaawak lek ogogwaarak paga, “Yi ee'ninakerak, ao,” mbaka'lek aret wonogwe kiigi o.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,