Ndawi 81:12 - Ala Wone Peenok Peebi Mbanak

¹² Kinanobak yugum pogom wonogwe me, Kinombaalombok o, yinuk, mbo pinagareegirak o.

Ndawi 81:12 ပူးပေါင်းရင်းမြစ်များ

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

2 Endagembogut 18:12

Ti eereegerak nogo ti, Aliku ALA nen wone it Iterali inom koonogo pereegerak ayeloman Muta nen, “Yogop ee'nu ndogop ee'nu,” yoragagerak nogo, inaruk konembunuk liirogon eekwi, Aliku inogoba Ala oone konembunuk mugurok nogwe, eeka'lek taganogo mbo pereegwaarak ti paga eereegerak.

Nekemiya 9:16

Ti eereegindak kwe, it ninombomini nen kat, Yogop ee'nu ndogop ee'nu, yoragagindak nogo eeko logolik. Inanobak yugum pogom a'nuk, wogoppako logonet,

Ayup 8:4

Kat kapuri nogo ti, at oone yugu taganogo pugwi iinok, Onggo ndak-ndak wogoragagerak kwe,

Wundeegwaarak 11:9

Wungge mbareegi, Aliku ALA nen Muta yoge, “At Pirawun nen kat koone koneniyak, eebi, kombake me, an nen o Metit paga yime eerubok mendek eeke nogo abunuk ambinom eeke logogin o,” yinuk, yoreegerak.

Yetaya 30:1

At Aliku ALA nen, “It napuri inogogumbuk logonet, an eeriyak mbake nogo, Eeruwok, mbaka'lek it eeriyak mbakwi nogo mban eerit nugwi, Aberiniki nappi wagagirak nogo inom a'nuk eeka'lek aakumi inom a'nuk eekwi paga maluk eekwi nogo nggwok arit wundi nage,

Yetaya 30:9

It aakumi ti, an eeriyak mbake nogo eeriyak ineebi mbakwi, Napuri aret kwe, ineenu kagak, Nineenggo'lek o, yogwe, Naliku ALA nen inaruk wake nogo, Koneniyak nineebi o, yogwe, Eeko logonet,

Yetaya 42:24

At Yakup mendek iname unggwi nanuk inamendek kologwe, At Iterali mendek ineebe tebenogo piinok inagugun waganggwi, Eeruwak nduk, Ta nen eeppiyareegerak mbakop? At maluk eeppogo nogogurak Aliku ALA nen aret eereegerak nogo lek a? At eeriyak mbake nogo mugurok nogwe, At oone yugu nogo, “Konenuwok o,” yogwe, Eeka'lek wonogwe niinok eereegerak me,

Yeremiya 42:21

At kinogoba Aliku Ala nen, “Yoret,” yo'negerak abok aret an yogondak yokkiragarak kwe, “Eeriyak, nineebi,” mbakotak me,

Yeremiya 7:24

it nen an noone inaruk konenggwi, liirogon eekwi, eerulik inogogumbuk logonet, maluk eeriyak iniki koonggwi nogo mban mugurok nogo nogogwaarak me, an ari nogo inengga loolo punuk, mugurok naga'lek inambokan yungguninuk nogo nogogwaarak.

Yetikiyen 20:8

Yoragagirak kwe, an yorage nogo eeriyak ineebi mbako nogogwaarik, an noone konenulik mbo punuk, Yeenggwa niraawak o, yinuk, ogole warak ogut eerak ayuk wukwi nogo mbo pugwi, it Metit mendek inagugi nogo teppugwi, eeka'lek iinok, an nanini kilirogo inoba piige, it o Metit wonogwe me nanini kani kunik negen inoba kwippiige, Eerikit o, yinuk, koonogo pereegirak.

Oteya 9:17

Ndi, kit nogo ti, Ala wone konembunuk liirogon eekwi lek me, Nogoba Ala nen kit mbo pinagamenggerak yi aakumi ndi aakumi inenggela'me yagak-ndagak nugu logomunggup nduk, Mak eerogo pinagagin o, yinuk, yokkiragi o,” yoragagirak.

Ala Unde 26:14

Yoge nagagerik, “Togop eerogo piyareegirak kwe, it nen an noone liirogon konengga'lek mbo pugwi, wone, Yogop ee'nu ndogop ee'nu, yorage nogo liirogon eeka'lek wonogwe,

Nappiigak 14:16

O maan nen, yogondak kuli yi paga yi aakumi ndi aakumi iniki mba'nuk eerit nogwe iigak, Ala nen teppiige menggerak kwe,

Nappiigak 7:42

Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?

Oroma 1:24

Togop eeko nogogwaarak paga, iniki nen uugwe mba'nuk, abu maluk eekulik mendek kagak eerit nugu logonet, it-it aret maluk eekko'net nogo logowak nduk, Ala nen mbo piyareegerak.

1 Tamuwen 8:19

Yoragagerak kwe, it aakumi nogo nen, at Tamuwen oone ari koneniyak ineebi mbako logonet, “Ti yagandak kwe, lek o. Aap endagembogut ninarum logowak nduk, mippinaniyak aret o.