Ndawi 80:8 - Ala Wone Peenok Peebi Mbanak

⁸ Eyo anggur awi o Metit nen wonok wage nagagindik, It yi aakumi ndi aakumi kat nen mugogo wumbiinok, Eyo awi ti yarogo pege,

Ndawi 80:8 ပူးပေါင်းရင်းမြစ်များ

Ndawi 31:17

Kaliku ALA wae. Noone nggwok paga yokkege me, An nenggali arukwak mbo paniyak mage o. Aap maluk eeka perak, inenggali ogwe, Kambunuk nogo menggam nanuk inabolok lek wonogwe, Eeruwak nduk, eeppiyet o.

Ndawi 44:2

Kat keenggi omaawi lombok paga Aakumi inanebunu abok aret mugogo wumbiinok, It ninombomini inakom kwippiige, It aakumi inanebunu lombok aan lebenogo piinok, Ninombomini wiganggo logowak nduk eerogo piige, Eereegindak nogo o.

Ndawi 60:3

Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 78:55

At aa'nduk a'nuk wage logonet, Yi aakumi ndi aakumi mugogo wumbiige, It aakumi inanggween ti, kuli mbanogo ineyate kwak It Iterali inanebunu lombok wogorage, Inanggween ti paga inawi wuppatinuk logowak nduk yorage, Eereegerak.

Yeremiya 12:10

Ndomba ndegeninaka kwak it aakumi ndegeninakwi nen neyabu anggur yarak nogo maluk eerogo pugwi, Neyabu yarak iniyok paga aambiranogo pugwi, Eeko logonet, Neyabu yarak abu obeelom niniki ale'nggen mbake nogo o kugume aakumi wonogolik pogom eerogo pegaarak o.

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Yetikiyen 15:6

Togop aret me, Aliku Itok Menggerak ALA nen ari logonet, “Yi eyo ndi eyo enggela'me eyo anggur kani kunggo logorak ake mban eerogo pereegirak kwak, it aakumi o Yerutalem wonogwe nogo togop aret eerogo piyaagin o.

Yetikiyen 17:6

Yake mbareegi, awi nogo mbilangge nagagerik, eyo anggur kwak kuwagaluk lagangge logonet, eno'mbak wiganogo pereegerak. Eno'mbak wiganogo towe nogo wonage me pa'nggwe nappege, omanggen wutik wurabit nage, eereegerak. Togop aret eeke nagagerik, eyo anggur kwak aret a'nuk, eno'mbak wiganogo pege, anggup abu abe lake, eereegerak.

Yetikiyen 19:10

Kagalo ti, keyabu anggur yarak me eyo anggur niyo eneerime yarak kwak wonage, Niyo eneeri ambik wungge me yarak me eno'mbak yiganak-wiganak eerogo pege, Anggen ambik yege, Eereegerak o.

Nappiigak 7:45

Ti'nuk, ooliya wurik nogo nit ninogobamini unde ogo nogogwaarik, aap Yotuwa it inom Ala nen aap endekem mendek mugogo wumbiyareegim nogome tebenggo'net unggwi wogo logonet, wurik nogo wonok pi unggwogogwaarak awo wonage kagak at Ndawut endagembogut mippereegwaarak.

Yotuwa 13:6

Ndi, aakumi ambik puut nggelok-nggobok o Libanon nen nok, Miterepot-Mayim aakumi Tiron mendek abok wonogwe nogo perak, an naa'nduk a'nuk aret tebenogo piyaagin me, Inanggween ti, it aakumi Iterali yate kwak tumburiroorak o, yinuk, an nen wone lengganogo yokkiragarak ndak-ndak aret,