Ndawi 80:4 - Ala Wone Peenok Peebi Mbanak

⁴ Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 80:4 ပူးပေါင်းရင်းမြစ်များ

Ndawi 31:17

Kaliku ALA wae. Noone nggwok paga yokkege me, An nenggali arukwak mbo paniyak mage o. Aap maluk eeka perak, inenggali ogwe, Kambunuk nogo menggam nanuk inabolok lek wonogwe, Eeruwak nduk, eeppiyet o.

Ndawi 4:7

Gandum anggen inom, anggur amburu ngget toolak inom, Ambik age kenok, inale'nggen mbakwi nogo ti, Mbuuluk aret kwe, nale'nggen kaakit nduk, Kat nen eeppanege ti perak, nggwok lombok aret o.

Ndawi 59:5

Iterali inogoba Kaliku Ala Komaawi Lombok Menggendak kat aret me, Yi aakumi ndi aakumi abok aret Maluk eekwi onggo it inoba piyaanok nduk, pilak yu o. It maluk eeriyak koonggwi nggaganagalo yi kunduk, Inabuwa mba'nuk teppiyoorak mage o.

Ndawi 60:3

Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Ndawi 79:5

Nit togop aago niigak, ne mande ari nagin o? Kanini mondok-mondok ninoba kwippinanegak eeke logomunggun ilik, lek a? Nit mbo paganuk alik mugurok nogwe niinok, Keebi lombok ninomba'nuk kanini kani omoonuk negen Ninoba kwippinanegak eeke keegak ne mande ari nagin o?

Ndawi 85:5

Kanini mondok-mondok ninoba pinanege, Ninapuri nda'narit wundi woraagun nogo Kanini inoba piinet nage, Eeke logorak op a?

Leendawi 3:44

Ndugwi apit aago kwak keebe togop aago wonage me, nit tamban eekwi nogo kat wonage me ari naga'lek aret agaarik o.

Ndaniyen 9:17

Togop me, ninogoba Ala wae. An kayeloman yi, tamban eeke logonet, wone yokkege, eeriyak nggino yokkege, eeke yi, karuk konengge logot o. Kat nogoba kendage maluk agaarak obeelom aruwak nduk, kalut eeko menggam maluk eerogo pereegwaarak nogo ti, Obeelom eerogo pikit o, yinuk, mbake logot o.

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.