Ndawi 80:3 - Ala Wone Peenok Peebi Mbanak

³ Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 80:3 ပူးပေါင်းရင်းမြစ်များ

1 Endagembogut 18:37

noone yokkege yi, konenu o. It aakumi yime wonogwe yi, Kaliku ti Ala aret wonage, ndi, inomaluk mbo punuk, iniki yungguk togon kowagam ari woraawak nduk eeppiige, eeke ti, kat aret ineenu aruwak nduk noone yokkege yi, Kaliku ALA karuk konembunuk, onggo yo'nege logoto, nogoba.”

Ndawi 119:135

An kayeloman kenete eyarogon logonet pe'neege, Koone lengganak nogo mamunnake, Eeke logot o.

Ndawi 4:6

Aakumi ambik nen yogo logonet, “Abe eeriyak mendek ta nen kin paga yo'nirage logogin o,” Yogwe kwe, Kaliku nogoba ALA wae. Kat kabinak nogo nit paga eya eeppinanege logot o.

Ndawi 60:1

Ala wae. Keebi ninomba'nuk mbo pinanege, Ninobak wurik ndengganogo pege, Kanini ninoba pinanege, Eekendak kwe, Aa'nduk obeelom wonogogu kwak Yogondak togop aret eeppinanu o.

Ndawi 67:1

Aakumi yi o ndi o wonogwe nogo kat Ala eerit nage menggendak nogo ineenu ogwe, Aakumi inagap ndake menggendak nogo, yi aakumi ndi aakumi abok aret liippugwi, Eeruwak nduk, Kat ninabuwa nen obeelom eeppinanege, Kale'nggen ninoba pinanege, Kenete eya lombok logonet, pe'niige, Eeke logot o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 80:19

Togop eeko logogun me, Komaawi Lombok Menggendak Kaliku ALA wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 80:7

Komaawi Lombok Menggendak Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Ndawi 85:4

Nit ninagap ndaka Ala wae. Nit aa'nduk wonogogu kwak eerogo pinanege, Nit eekwi paga keebi ninombake nogo mbo pege, Eeru o.

Leendawi 5:21

Kaliku ALA wae. Kat nen nit mondok-mondok mbo pinanege, Kanini kuli pega'lek ninoba pinanegak mban eeke, Eeriyak mbaka'lek lek keenok, Niniyokan wo'niren kat wonage me pinani woraanok nduk, wo'ninake, Aa'nduk wonogogu kwak eerogo pinanege, Eeke logot o.