Ndawi 80:18 - Ala Wone Peenok Peebi Mbanak

¹⁸ Ninarum wonage keenok, nit kat mbo pagagun lek o. Nit aa'nduk wonogogu kwak eerogo pinanege keenok, Nit nen kat kendage kunogo yokkogo logogun o.

Ndawi 80:18 ပူးပေါင်းရင်းမြစ်များ

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Ndawi 119:107

Kaliku ALA wae. Tebenogo panggaarak paga niniki andi ee'nake me, Koone yugu ndak-ndak nale'nggen mbakak nege logokit nen Teeluk eerogo panege,

Ndawi 119:154

Nawone amburu mbanogo wondet eerogo panege, Eeppaniyak koonogo pereegindak ndak-ndak Aa'nduk nale'nggen wonagagi kwak eeppanege, Eeru o.

Ndawi 119:156

Kaliku ALA wae. Kat mondok iya ninabuwa mbake menggendak me, Eekwi ndak-ndak eeppiigo logorak koone yugu ndak-ndak Aa'nduk nale'nggen wonagagi kwak eerogo panu o.

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 79:13

Togop eeke keenok, Kandomba ndegenninake nit kapuri yi nen, mondok-mondok, “Wa,” yokkugwi, Kabok mbininogo kendage tiyappagagwi nogo, Ninapuri nda'narit wundi nogwe iinok, mbininogo yoranet nogwe, Eeko logogun o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.