Ndawi 80:13 - Ala Wone Peenok Peebi Mbanak

¹³ Minogo pereegindak paga nggwiya eyonggaame nen Inogobak pilanogo pi unggwi wogwe, Towe-pagi karume mendek nen Anggen mbanogo na unggwi wogwe, Eeko agaarik o.

Ndawi 80:13 ပူးပေါင်းရင်းမြစ်များ

2 Endagembogut 17:20

Ti eekwi iinok, Aliku ALA nen it inanebunu Iterali mendek wiganak abok aret aaninggin inoba piige logonet, aap inanini ambik aap inooka ineenggime piigak mban eereegi-eereegi peebi inoba abera'lek mbo tek eerogo piyareegerak.

Ndawi 89:42

At inom ogoorak wonogwe nogo inendage tiyak yuwak nduk inomaawi eerogo piige, At inom wim mbanak nogo nen Inale'nggen mbako logowak nduk eeppiige,

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Yeremiya 52:7

Aganake mbareegi, it aap Yekura ineegin warak abok aret oonikiya it aap Mbaben mendek o kota wanggeppiinok wonogwe iigak, o kota yugum pak wurik nogo, eno pelembunuk, aap endagembogut eyabu yarak me koorok owa'nagat peenok-peenok wurik kagak, oolo tu unggwogo menggam nogo paga wundi nogo nogogwaarik, kole mbaganit o Araba niyo Yoraran kobappaga ari nawok nduk nogwe me,

Yetikiyen 19:12

Togop aret kwe, aakumi inanini nen kinogo nggween paga nggimbogo mbareegwa, O wiya oonegen wundi wage menggim pa'nggwe nen warit wage logonet, aganggen nen eyo nogo teebat eerogo pege kenok, Anggen yugu nogo mono-mono wambit nagagerak o. Ndi, eno'mbak omaawi nogo kalenak-pugunik nagagerak mbuk age mbareegi, kani nen tigitogon nenggegerak.

Nakum 2:3

Wim eeriyak ina koonggo logonet, at maluk eerogo pega awuri inanggeemu maa'ngga kunik nogo waganggwi, At awuri wim eeka inayum maa'ngga amu kunik yikkologwe, Inanggweendo wim eeka mbuti owak paga eerak nogo pipuk eekwi iigak, abinak pigan-pigan eeke, Inaguda, “Nawi,” yinuk, ke'mbogonik yogwe, Eeko agaarik o.