Ndawi 8:4 - Ala Wone Peenok Peebi Mbanak

⁴ Nit aakumi yi, taani me nduk abe'ninake, Ndi, aap inapuri nit yi, taani me nduk, liippinanege, Eeke mbake minggirak?

Ndawi 8:4 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Wakkagagerak 1:14

Ti age mbareegi, oonikiya-liingge mogonak logonet, o weege, o kiip age, yi eyom ndi eyom age, oonegen lagangge-wangge, eeke logorak nogo kenom age, ndi, o oolo ya'i nenaarak nen nggween paga o eya eeke, eeke logowak nduk, Ala nen, “Abinak warak mendek mbogut paga aruwak o,” ari kagak, togop aret

Wakkagagerak 19:35

anggur amburu ambinom aret toologo wogoreegwaarak nengge nagagerik, at Lot nogo iniki abu lek a'nuk oonikiya at apuluk peebi mendek nogo imbirak aret nogo yereegwaarak. Imbirak nogo yugu nogogwaarik, apuluk mi'na'nuk nagagerak nogo at Lot kobak aret wonagagerak.

Wakkagagerak 21:1

At Aliku ALA nen, “Togop eerigin o,” yinuk, Tara wone yoreegerak nogo abeke nagagerik, imbirak wone abuk nggaruk togon mbaneegwaarak nogo eyom ndak-ndak ari wage mbareegi, at Abarakam nogo abu anggok agagerak kagak, Ala yoreegerak ndak-ndak kwe Tara nogo abila age nagagerik, aagaluk Abarakam obaane'me wulaga aret ndareegerak.

2 Mbinineegwaarak 6:18

Togop aret kwe, kat Ala o nggween paga yime aakumi ninom logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

Ayup 25:6

It aap anggolenggen kwak, aakumi inapuri waalo kwak, Wonogwe nogo ti, abunuk meek aret iige menggerak o,” yinuk, yoreegerak.

Ayup 7:17

Aakumi ti, taamini me nduk, Kat nen it iya eeppiige, it liippiige, Eeke menggendak?

Ndawi 106:4

Kaliku ALA wae. It aap leenogo piyareegindak obeelom eeppiige paga Obeelom wonogwe me, an ninom obeelom wonage, It aakumi kat mendek inale'nggen mbakwi nogo, An kunduk nale'nggen mbake, It keyate kwak kiniki kundugu kendage tiyappugwi me, An ninom kendage tiyappege, Eeke logokit nduk, Kapuri obeelom eeppiige keenok, an kunduk abe'nake, Kapuri inagap ndake keenok, an togon nagap ndake, Eeru o.

Ndawi 136:5

At iniki warak lombok nen Mbogut wakkagagerak me, “Wa,” yogo logonip o. & Ninabuwa mbake ti, itok kunik wonage o.

Ndawi 136:9

Oonikiya unde logowak nduk, tut inom, laaluguragan inom, eerogo pereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 144:3

Kaliku ALA wae. Aakumi ti, taani me nduk, kat nen liippiige, Aakumi inapuri ti, taamini me nduk, aberinake, Eeke menggendak o?

Ndawi 146:3

Aap kanggo menggaarak ti, kambunuk inogoma nggigik togon nogwe iinok, Inagabolo iyokan nggween aret ari nogwe iigak, Ne ti eyom paga aret it eeriyak koonemenggaarak nogo Lek aret arigin me, It nagawan-nagawan nen kinagap ndakkinaburak meek Kanggo menggaarak mendek iigak, It paga kiniki panggombunuk logorak mage o.

Ndawi 19:2

Ne yogondak nen ne ko'lu yoga'mban eeke, Oonikiya yogondak nen Oonikiya ko'lu eenu eeppega'mban eeke, Eeko menggaarak.

Ndawi 4:2

Kit aap yi wae. Nendage tiyanak nogo maluk eerogo panugwi kiigak, Ne mande ari nagin o? Lek ariyak mendek kagak kiniki kunik eekwi, Pilit wone kagak kwaarit nugwi, Eekwi kiigak, Ne mande ari nagin o?

Ndawi 80:17

At kat keenggi abe'nggan paga mi'ndak wonage nogo, Aap aret nda'nagagerak leenogo mippateegindak nogo, Eebe op logowak nduk arum logot o.

Ndawi 96:5

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA perak, Mbogut aret ogobakkigirogo pereegerak o.

Wundeegwaarak 4:31

it aakumi Iterali yo'nggok nogo nen, “Aaninggin-paaninggin ninoba pinanege nogo, Aliku ALA nen enegen niige nagaarik, koonggerak kogo o,” yinuk, iniki abet mbako logonet, inendobanggun yindumbunuk, alut eereegwaarak.

Yetaya 40:17

It aakumi inanebunu lombok abok aret abe lek aret iige, It abe ambi eekwi lek aret iige, It abe lek aanom warogo iige, Eeke menggerak o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yetikiyen 8:15

Iige mbareegi, at nen an yo'nege logonet, “Aakumi nen ndarak yi wae. Ti eekwi iigen ilik? Ti iigendak ti, ogole warak iya negen kwe, maluk ogole warak mondok iya ambi eekwi iyaamunggun o,” yinuk, yo'nege kagagirak.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Lukat 1:68

“Nit aakumi Iterali ninogoba Ala nogo niya wage nagagerik, wondet agago pinaneegerak me, alut eeko logowok o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.