Ndawi 8:3 - Ala Wone Peenok Peebi Mbanak

³ Kat keenggi paga nen kat logowam mbogut ogobakkigike, Tut inom, laaluguragan inom, Inobaane'me lombok logowak nduk eerogo piige, Eereegindak nogo kage kenok,

Ndawi 8:3 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Ayup 22:12

Laaluguragan mbogut paga abu tiyarogon wonage ti, nikket o. Ti wonage kagak kwe, irimbaga Ala mondok tiyarogon wonage nogo lek a?

Ayup 25:3

At awuri ineegin warak aago ineenggi linggininaburak op mbaken? At yi o ndi o eya eeppege logonet, o ambit-ambi eya eeppegeelik mbaken? Abok aret eeppege menggerak me,

Ayup 25:5

At Ala nogo nen tut abinak mbuuluk wonage kage, Laaluguragan eya abe lek kage, Eeke menggerak me,

Ayup 36:24

Lek aret me, At eerit nage nogo aakumi nen ndawi anep pugwi, It aakumi abok aret inigen kogwe, O nda nen inigen nakkogwe, Eereegwaarak nogo Tiyappenok nduk, abeke logot o.

Ndawi 104:19

Tut nen ne lingginggak yuurak koonogo pege, Ndi, oonegen nogo, Ne ndi eyom paga kilu yi nage logorak eenu wonage, Eeko menggaarak.

Ndawi 111:2

Aliku ALA mondok iya tit eerit nage menggerak o. Aap at eerit nage inikilom mbako menggaarak abok nen liippogo menggaarak.

Ndawi 148:3

Kit oonegen tut yi, at tiyappugwi, Kit eya eeka laaluguragan yi, at tiyappugwi,

Ndawi 19:1

Mbogut nen, “Ala abu tiyanak menggerak o,” yinuk, ari, Ndi, o oolo we wonage yi nen, “At eenggi paga ogobakkigirogo paneegerak iya o,” yinuk, ari, Yogo menggaarak.

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Ndawi 89:11

Mbogut inom, nggween inom, kat aret unde wake, O nggween yi alom kwippege, Yi mendek ndi mendek nggween paga wonage yi, Abok aret wakkage, Eereegindak o.

Wundeegwaarak 31:18

Muta nogo at Aliku ALA imbirak puut Tinayi paga wone abu aret mbambogo nogogwaarik, wone, “Yogop ee'nu ndogop ee'nu,” yinuk, Ala eenggi paga yugum tabak mbere paga liiru mbaneegerak nogo, Muta wogoreegerak.

Wundeegwaarak 8:19

It aap kugi alom ineenu nogo nen wakkogogwaarak meek aret age mbareegi, Pirawun yogwi, “Yi Ala eenggi omaawi paga nen aret eeke o,” yoreegwaarak kwe, Aliku ALA nen wone aa'nduk yereegerak nogo ndak-ndak aret Pirawun iniki omaawi age nagagerik, it inoone konenulik mbo pereegerak.

Lukat 11:20

An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

Oroma 1:20

Ala eebe nonggoti menggerak ti, maan o yi wakkagagerak kuli paga nen, yi mendek ndi mendek wakkagagerak nogo paga, at eebe omaawi ambik mondok itok menggerak Ala aret kin koorak wonagagerak kwe, it aakumi nen liippega'lek wonogogwaarak me, inaana'le mbanggolaawok nduk, wone onggo yuurak lek aret o.

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.