Ndawi 79:8 - Ala Wone Peenok Peebi Mbanak

⁸ Nit ninombomini maluk eeko nogogwaarak onggo nit ninoba kwippinaniyak ti mage o. Ata, nit niniki abu lek-lek ee'ninake me, Ninabuwa mba'nuk mbet-mbet aret ninomaawi eeppinani woraamunggun o.

Ndawi 79:8 ပူးပေါင်းရင်းမြစ်များ

Wakkagagerak 15:16

Ndi, it aakumi Amori mendek yi, it maluk eekwi kwe, inomaluk ambinom nggwok ari naga'lek kagak, kat kombowologwe wigannarit 4 paga ari nogwe ndak-ndak o yime ari wogo logogun o,” yoreegerak.

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

Ndawi 106:43

At Aliku ALA nen kulinik aret Wondet eerogo piigak mban eeke nagagerak kwe, “Ala nineebi,” mba'nuk, It eeriyak mbakaatak nogo mban koombunuk, Maluk mban eerit nugwi paga Ineebe lek eerogo pako nogogwaarak.

Ndawi 116:6

Aap tebenak mendek Aliku ALA inarum wonage, Eeke menggerak me, An nomaawi lek abu meek ee'nake mbaki, At nen nagap ndakerak o.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 142:6

An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

Ndawi 21:3

Kat nen yi mendek ndi mendek Kalo logonogo wogoge logonet, eebe wagangge, Mbuti emas at mendek paga mban Nggare-nggare negen mendaarak At anobak paga yirippege,

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Wundeegwaarak 32:34

Ndi, it maluk eekaarak ti perak, maluk onggo eeppiyoorak eyom panggoni wage kenok, inomaluk onggo eeppiyaagin aret me, kat perak, yogondak aret o an yokkereegim nogome noorak nduk, nayonggo malayikat aa'nduk nage kagak, aakumi yi wogoren nak o,” yinuk, yoreegerak.

Yetaya 64:9

Togop me, Kaliku ALA o. Kat kanini aakumi inoba piige menggendak kuli wonage kagak nit mondok nggwok lombok ninoba kwippinanege, Nit maluk eekwi nogo mondok-mondok aberak mban wonage, Eeriyak ti mage o. Nit abok kat kapuri aret me, liippinanege logonok nduk yokkogo o, ninogoba.

Yetikiyen 2:3

“Aakumi nen ndarak yi wae. It aakumi an yorage eeriyak ineebi mbaka Iterali nogo, wone yora nanok nduk nappagage agarik o. It inom, inogobamini inom, o maan nen nok, yogondak kuli an ineebi eerogo mbo paneegwaarak o.

Ndaniyen 9:16

Ninogoba wae. Nit maluk eekwi paga inom, ninombomini maluk eeko nogogwaarak paga inom, it aakumi ninaagan-ninambokan wonogwe abok aret nen o Yerutalem endage maluk eerogo pugwi, ndi, nit kat apuri meek eerogo pinanugwi, eekwi me, kat obeelom eeppiinet nage menggendak nogo ndak-ndak kagota kabuut alik leenak menggerak o Yerutalem nogo kiniki aagi eeppege, kanini oba kwippege, eeke nogo mbo punuk, kena koonogo pe'niige logot o.

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Oteya 9:9

O Nggibeya mendek maluk abu iya lombok eeko nogogwa kwak kit maluk iya lombok eekko'net unggwogwe me, Kit maluk eerit nugwi nogo at Ala abeke, Ndi, kinomaluk onggo eeppinagage, Eeke logogin o.

Pelaareegerak 28:43

It aakumi nggiru kinom wonogwe nogo kinirimbaga tiya agan nogwe iigak, kit inabu'me tebe agan wanggwi,