Ndawi 79:5 - Ala Wone Peenok Peebi Mbanak

⁵ Nit togop aago niigak, ne mande ari nagin o? Kanini mondok-mondok ninoba kwippinanegak eeke logomunggun ilik, lek a? Nit mbo paganuk alik mugurok nogwe niinok, Keebi lombok ninomba'nuk kanini kani omoonuk negen Ninoba kwippinanegak eeke keegak ne mande ari nagin o?

Ndawi 79:5 ပူးပေါင်းရင်းမြစ်များ

Ndawi 103:9

“Kat maluk o,” mban yo'nirage, Anini wungge tit kagak o ambik me ari nage,

Ndawi 6:4

Kaliku ALA wae. It aakumi kambeegwaarak nen koba aberak wonogwe, Kambunuk nogo menggam wonogwe me nen kalut eekwi, Eekulik me, Nabuwa nen kiniki kunik ee'nabit wage menggendak me, Kole mbaganikit nduk eeppanege, nagap ndake, Eeru o.

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 80:5

Ninambi wo'nirookwak Niniki wakkologo logorak mban eeppinanege, Ninaniyo wo'nirookwak ninale amburu mban Togolowa'na yagabit eerogo pogo logorak eerogo pinanege, Eekendak me,

Ndawi 85:5

Kanini mondok-mondok ninoba pinanege, Ninapuri nda'narit wundi woraagun nogo Kanini inoba piinet nage, Eeke logorak op a?

Ndawi 89:46

Kaliku ALA wae. Kat kumaarak mban wonage keegak, ne mande ari nagin o? Kanini kani kunik negen eerogo pinanege keegak, Ne mande arigin o?

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Yetaya 64:9

Togop me, Kaliku ALA o. Kat kanini aakumi inoba piige menggendak kuli wonage kagak nit mondok nggwok lombok ninoba kwippinanege, Nit maluk eekwi nogo mondok-mondok aberak mban wonage, Eeriyak ti mage o. Nit abok kat kapuri aret me, liippinanege logonok nduk yokkogo o, ninogoba.

Yetikiyen 36:5

At Aliku Itok Menggerak ALA nen ari logonet, It an nanggween nogo ndinggologo nogogwaarik, unde eeppatinuk, inale'nggen mbakwi, inanini mbako logonet, meek eerogo pugwi, eeko logonet, yi mendek ndi mendek tigippit unggwogo nogogwaarak me, nanini kani kunik negen eeke logonet, Ndogop eekkinabigin o, yinuk, it Erom mendek inom, yi aakumi ndi aakumi ando abok aret inom, yoragagirak o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

Takariya 1:12

Yogo mbaka, Aliku ALA nappi wagaarak malayikat nogo nen ari logonet, “Komaawi Lombok Menggendak Kaliku ALA wae. O Yerutalem menggaarak inom, o Yekura kota-kota wonogwe inom, kanini inoba piige keegak, tahun 70 eereegerak ti, inabuwa mbaka'lek wonage keegak, ne mande ari nagin o,” yinuk, yoge kagarak.

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.

Pelaareegerak 32:16

At Ala nen, Neebi o, yinuk, anini kinombaruwak nduk, Ala alut eekwi obaane'me kugi ayuk wukwi, Anini wunduwak nduk, Ala eebi mbake kugiwak nogo mendek mugurok nogwe, Eereegutak o.

Pelaareegerak 32:22

Nanini mi'nage logonet, Kani omoonuk negen a'nuk wunuk agan aakumi kambunuk nogo menggam nggween abu'me teberogon time kuli pi nage, Ndi, nggween kani nenet nage logonet, yi mendek ndi mendek yarak abok aret nengge, Puut-puut alom abok aret kani nenet nage, Eerigin o.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,