Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.
Ndawi 79:2 - Ala Wone Peenok Peebi Mbanak2 It kayeloman mini ineebe inoorak nogo Towe wiganinuk nugwi inambi aruwak nduk wogorogwe, It kapuri kake leenak ineebe inoorak nogo Nggwiya inambi negen nawak nduk mbo piigwi, အခန်းကိုကြည့်ပါ။ |
Ndawi 79:2
7 ပူးပေါင်းရင်းမြစ်များ
“It ti, andi kambuurak iya nogo mendek inoba aremenggaarak kanggwi iinok, inale yogwe, nggween taambiigwi, eeka'lek we nggween mili ake yabume time mbo piyaagun o. Wooluwak paga inoorak inom, mbi noogelo paga inom, kambemenggaarak me, ineebe kambak nogo yi towe ndi towe wiga agan nugu menggaarak inambi age, ndiimbu-nggwiya nggween paga nugu menggaarak inambi age, eerigin,” yegerak o.
O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.
Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu'nduk agan nogo mengga kwak nugu logogun o. Liirubu kale'ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.
ကြော်ငြာတွေ