Ndawi 79:11 - Ala Wone Peenok Peebi Mbanak

¹¹ It aap keele maarak logonet, Iniki nggilu yogwe wonogwe nogo liippiige, It kambuwak nduk koonogo pugu nogo, Kat keenggi omaawi paga inagap ndake menggendak ndak-ndak inili ari, Eeke logot o.

Ndawi 79:11 ပူးပေါင်းရင်းမြစ်များ

Ndawi 102:21

Togop aret me, yi aakumi ndi aakumi inom, It aap inendagembogut inabu'me piigo menggam inom, Abok aret Aliku ALA alut eeruwok nduk, kuwak eeri wogwe iinok, O Tiyon paga Aliku ALA endage kunogo yorogwe, O Yerutalem paga at endage tiyappugwi, Eeko logogun o.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Yetaya 33:2

Kaliku ALA wae. Nit kat lombok paga niniki lunik wonogwe me, ninabuwa mbake, Ko'lu-kii'me kubondendok paga komaawi eeppinanege, Aaninggin ninoba age ti eyom paga keenggi omaawi paga ninagap ndake, Eeke logot o.

Yetaya 42:7

Aakumi inigen mbuk wonogwe nogo inigen paganogo piige, Keele maarak wonogwe nogo piinogo wumbiige, Ndi, it aakumi o apit me keele maarak negen wonogwe nogo keele piinogo wumbiya wage, Eeke logonok nduk, An panggonggake logonet, karum logogin o.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,