Ndawi 78:72 - Ala Wone Peenok Peebi Mbanak

⁷² Ndawut iniki mondok abe koonak logonet, ndegeninake, Unde wogonaburak obam lombok logonet wogoren nage, Eeke nagagerak o.

Ndawi 78:72 ပူးပေါင်းရင်းမြစ်များ

2 Tamuwen 8:15

At Ndawut nogo it Iterali mendek abok aret inowe endagembogut a'nuk, wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

1 Endagembogut 15:5

At Ndawut nogo kangga'lek eenik wonage logonet, Aliku ALA nen, “Yogop ee'nu ndogop ee'nu,” yoge nogo, ambi taganogo pege logolik Aliku ALA enegen kagak, abok ndak-ndak aret eeke nagagerak kwe, ambiriluk maluk eereegerak ti, aap Ket mendek Uriya akwe paga maluk eereegerak.

1 Endagembogut 3:28

At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Endagembogut 9:4

Togop aret me, kat perak, kogoba Ndawut iniki koonak wonage logonet, an nenggaanom abu obeelom mban eeke nagagerak nogo ndak-ndak, wone, Yogop ee'nu ndogop ee'nu, yokkege nogo abok aret eerit nage, ndi, wone lengganak inom, wone eeko logorak yugu nogo inom, liirogon porogo logonet, mugurok nage, eeke keenok,

Ndawi 75:2

Kat Ala nen ari logonet, “Ne ndi eyom paga aakumi inowak looniyak o, yinuk, An nen aret koonogo punuk, An nen aret a'me nggelok mban inowak loongge logogin o.

Yetikiyen 34:2

“Aakumi nen ndarak yi wae. It Iterali inoweewi ndomba ndegeninaka kwak logonet eekwi ti, eeppiyoorak yorage logot o. It eeppiyoorak nogo yorage logonet, Aliku Itok Menggerak ALA nen yegerak nogo yi aret. It Iterali ndegeninaka inoweewi nogo ti, it inobaalombok mban ndegenggologwe me, inabuwa o! It aap ndomba ndegeninaka nen inandomba ndegeninako menggaarak nogo lek a?

Nappiigak 13:22

Ti'nuk, at nogo tebembunuk, obaane'me, At Itayi aput Ndawut nogo an niniki mbake minggi kwak, at ndak-ndak mbake menggerak me, an niniki mbake mban eeke logogin kagi o, yinuk, inowe endagembogut Ndawut aret mippereegerak.

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.