Ndawi 78:7 - Ala Wone Peenok Peebi Mbanak

^7-8 Wone lengganogo yoragagerak nogo ti, Inombomini ti eyom paga ndarak abok aret inogogumbuk inanobak yugum pogom iniki mbere logonet, Ala wone yorage nogo iniki liippega'lek ugun-ugun eerit nugu nogogwaarak nogo kwak lek, Inapuri-inombowologwe nen iniki Ala oba panggombugwi, Ala eerit wagagerak nogo kobak aga'lek abekwi, Wone, “Yogop ee'nu, ndogop ee'nu,” yugu nogo liirogon porogo wonogwe, Eeko logowak nduk, Wone lengganogo yoragagerak.

Ndawi 78:7 ပူးပေါင်းရင်းမြစ်များ

Ndawi 103:2

Niniki yi wae. Aliku ALA tiyappege, At yi obeelom ndi obeelom eeppagage nogo, Kobak eerogo pega'lek abeke, Eeke logot o.

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 105:5

Aliku ALA ayeloman Abarakam paga wiganak yi wae. At leenogo pinagareegerak Yakup ombowologwe yi wae. At Aliku ALA iya tit eerogo pit wagagerak inom, Eerubok mendek eeke nagagerak nogo inom, “Aaninggin ndogop eeppinagagin o,” yinuk, kit kinom ogoorak yoragagerak nogo inom, Abeko logonip o.

Ndawi 146:5

“Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 62:5

Togop aret me, niniki yi wae. Ala nen mban eeppaniyak mba'nuk lunik logonet, Oba panggombunuk, ugun tayenak logot o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

1 Korindut 11:24

“Ala wa,” yinuk, karerogo wogorage logonet, “Yi an neebe negen aret me, kit kinake aret o. An noba abeko logonet, nonggo logonip o,” yinuk, yorage mbareegi, nunggugwaarak.

Pelaareegerak 4:9

Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Pelaareegerak 6:12

kit o Metit paga inayeloman eeppinagago wonogwe me at Aliku ALA nen wokkiren wundi wagagerak nogo oba mari eerogo pukwak liippogo logomunggup o.

Pelaareegerak 6:21

kit nen kinapuri yorogo logonet, O maan togon aap Pirawun nen o Metit paga ayeloman eerogo tebembinaninuk wonage me, at Aliku ALA omaawi ambik nogo paga wo'niren wundi wage logonet,

Pelaareegerak 6:25

Ndi, at nen yo'niragagerak ndak-ndak at Aliku ninogoba Ala enggaanom paga eeko logorak wone yo'niragagerak yi abok aret, mondok liippunuk, eekwi niinok, nit aap obeelom aret ninombake logogin o, yinuk, yorogo logomunggup o,” yoragagerak.

Pelaareegerak 8:11

Yorage nagagerik, ambi yorage logonet, “Ala nen, Yogop ee'nu ndogop ee'nu, yereegerak wone inom, eeko logorak wone yugu inom, wone lengganak inom, an yogondak yokkirage yi, ambi taganogo punuk, at Aliku kinogoba Ala oba mari eerogo mbo pugwi kiyo, liippogo logonu o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

1 Yaya 5:3

At Ala niniki kunik eekwi nogo ti, at nen, “Yogop ee'nu, ndogop ee'nu,” yinuk, wone yo'nirage eekwi nogo ti aret. Ndi, at Ala nen wone, “Yogop ee'nu, ndogop ee'nu,” yo'nirage nogo ti, aaninggin lek aret o.

Wayu 14:12

Ari naruk konengge mbaki, at oone yo'nege nogo nen, “It iniki Yetut oba panggombunuk, oone yugu li'lak eerit nogwe, ndi, Ala nen, Yogop ee'nu ndogop ee'nu, yereegerak wone liirogon mugurok nogwe, eeko menggaarak at apuri ake leenak nogo, andi-pandi inoba piigwi iigak kwe, inogogumbuk logonet, waganggo logowak o,” yinuk, yo'nege kagarak.