Ndawi 78:65 - Ala Wone Peenok Peebi Mbanak

⁶⁵ Eeke nagagerik, Aakumi nogo yogo nagaatik, mi'nogo mengga kwak, Inogoba Ala mi'nage, Aap anggur amburu neenok iniki lek agaatak wonagaatik pilak yogo mengga kwak, inogoba Ala pilak ari, Eeke nagagerik,

Ndawi 78:65 ပူးပေါင်းရင်းမြစ်များ

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 73:20

Nogo yogo logonet inabi abet ndendon kagaatak kwe, Ineenik a'nuk, kobak age menggi kwak, Nogoba wae. Kat mi'nage logomenggendik, “It aap yi, abe lek o,” yinuk, Ne ambit lek eerogo piyaamunggun o.

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Tepaniya 3:17

Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.

Pelaareegerak 23:15

Yorage nagagerik, ambi yorage logonet, “Aap ambi inayeloman logomenggerak kwe, agap ndakko'nok mbaganit kit kiniya wage kenok, at ogoba unde wogori noorak ti mage o.