Ndawi 78:61 - Ala Wone Peenok Peebi Mbanak

⁶¹ Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Ndawi 78:61 ပူးပေါင်းရင်းမြစ်များ

2 Mbinineegwaarak 6:41

Kaliku Ala wae. O yogondak yi paga aret mi'nage logomenggendik, O kat yonggonggolage logowam komaawi wonage kogo menggam kaloobut mbanak wonage me, Yime mondok-mondok logonok nduk, wambi mok o. Kaliku Ala wae. It aap kat keebe unde nogo inayum li'luk yikkologo mengga kwak, it aakumi inagap ndarak logowak nduk, li'luk eerogo piigwi, Kat nen kapuri kake leenak obeelom eeppiige paga inale'nggen nen keekok yogwe, Eeko logowak o,

Ndawi 132:8

“Kaliku ALA wae. Yogondak aret O kat tat yonggonggolage logowam komaawi wonage kogo menggam aloobut mbanak me Yime mondok-mondok logonok nduk, wambi mok o.

Ndawi 24:7

At Endagembogut abu tiyanak wonage nogo Unggwi woraawak nduk, Kit tungga yi, kinambe wigak togon paakkologwe, Kit tu kinitok monggotak yi, pilak togon laganggwi, Eeko logonip o.

Ndawi 63:2

Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Wundeegwaarak 40:34

Eerogo pege mbareegi, ndugwi nogo wambi wage nagagerik, Ala inom lambungge logowam awooliya wurik nogo paga apit eerogo punuk, at Aliku ALA abinak nogo Ala awooliya wurik o magame inikime nogome eya kwindagala eerogo pereegerak.

Owak Loongga 18:30

O nogo abu aret wurogo pogo nogogwaarik, aap Mika nen Ala obaane'me ogut eerogo pereegerak nogo o time pako nogogwaarik, aap Muta ombooluk Nggeroton aput Yonatan inom, apuri inom, Ala unde logonet, inanebunu Ndan mendek inake eeko logowak nduk, mippiinok, eekwi iigak, aakumi inanebunu alik mendek nen keele maageren noorak kuli aret ari nagagerak.

1 Tamuwen 4:17

Yoge mbareegi, aap wone wonok wagagerak nogo nen, “Lek o, nogoba. It aakumi Iterali nogo nen aap Pilitin mendek iinok, mbaganit wogwe iigak, nit aakumi Iterali mendek nogo apit aret ninooko logonet, kat kapuri Kopini Pinekat imbirak inookwi, ndi, Ala aloobut mbanak nogo ndinggwi, eekaarak o,” yinuk, yoreegerak.

1 Tamuwen 4:21

“Ala aloobut mbanak ndinggwi, nayinggelo nogonggelo imbirak kanggwi, eekaarak me, Ala eya abinak aago Iterali inenggela'me wonage nogo lek aret aga o,” yinuk, aagaluk endage Ikabot toombunuk, “Ala aloobut mbanak ndinggaarak me, Ala eya abinak aago Iterali paga lek agaarak o,” ari nagagerik, aret kambeegerak.

1 Tamuwen 6:1

At Aliku ALA aloobut mbanak aakumi Pilitin iname wonage kagak, tut 7 penengge mbareegi,