Ndawi 78:54 - Ala Wone Peenok Peebi Mbanak

⁵⁴ Eeke nagagerik, At apuri wogoren at anggween abu abe leenogo pereegim ambe paga piya wage, O puut nggelok-nggobok me, Eenggi abe'nggan paga tebenggolagagim nogome piige,

Ndawi 78:54 ပူးပေါင်းရင်းမြစ်များ

Ndawi 44:3

It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Ndawi 68:16

Kit puut-puut elaganggen yi wae. Ala wone lengganogo yorage logowam leenogo pake, Aliku ALA nen mondok-mondok logorak koonogo pake, Eereegerak puut ti kenok, kit nen yogo logonet, “Nit puut ti kokwak logowok lak, Ao,” yinuk, Pekkogo logonet, kineebi mbakwi ti, nonggop nduk o?

Wundeegwaarak 15:13

It inagap ndarogo piigendak nogo, Inabuwa nen obeelom mban eeppiige logonet wogoren nage, Komaawi paga pigiren nggween abu obeelom punogo piyareeginom nogome piya nage, Eerumunggun o.

Wundeegwaarak 15:17

Kat keyate kwak, kabuut leenogo pake, Kaliku ALA kat logowam ogobakkigirogo pake, Ndi, Kaliku ALA kendage alut eeko logowam Kat keenggi paga wukkolage, Eereeginom nogome aret, It kapuri Iterali mendek yi, Mondok-mondok inakom awi yarak logowak nduk, piya namunggun o.

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Yeremiya 32:23

unggwi wogo nogogwaarik, unde eeppatinuk wonogo logonet kwe, kat koone yorage menggendak nogo inaruk konembunuk liirogon eekwi, koone yugu mugurok nogwe, Yogop ee'nu ndogop ee'nu, yorage nagagindak nogo eekwi, eeka'lek iinok, aaninggin-paaninggin yi, inoba kwippiige agandik o.

Ndaniyen 11:45

Woraanuk, niyo nggwok yenggenak laut nogo peenok wonage, ndi, puut abe alik leenak nogo peenok wonage, eerak kagak, oolo time at endagembogut me, awooliya mondok iya lombok wurigin kwe, at lek ariyak eyom panggoni wage kenok, aakumi ambi nen at yeenggwaaga'lek iigak, enggaawak lek arigin o,” yinuk, yegerak o.

Epetut 1:14

Ti wokkiragagerak nogo ti, peebi kit at apuri kinonggo mbanak me, kineebe abet aret wokkinaburak aberak logobagip nduk, kwe yiindi aa'nduk pogo mengga kwak, Aberiniki aret yilinogo wokkiragagerak me, Ala nen kit ninom ndak-ndak Keritut eeremenggerak paga aret mondok iya lombok koonogo pinaneegerak me, alut eeko logowok o.